कक्षा १२ को नतिजा सार्वजनिक, ५२.९१प्रतिशत पास
बुटवल, साउन १८ गते । कक्षा १२ को परिक्षाको नतिजा सार्वजनिक भएको छ । राष्ट्रिय परीक्षा बोर्डले शुक्रबार कक्षा १२ को नतिजा सार्वजनिक गरेको हो ।
परीक्षामा ५२.९१ प्रतिशत परीक्षार्थी उत्तीर्ण भएका बोर्डका सदस्यसचिव जंगबहादुर अर्यालले जानकारी गराएका छन् ।
गत वैशाख १४ गतेबाट सञ्चालित परीक्षामा ५ हजार ५४२ विद्यालयका नियमिततर्फ ३ लाख ८५ हजार ६३२ परीक्षार्थी सहभागी थिए । तीमध्ये २ लाख ३ हजार ८४७ जना उत्तीर्ण भएको राष्ट्रिय परीक्षा बोर्डले जानकारी गराएको छ ।
