बुटवल । बुटवल उद्योग वाणिज्य संघको आयोजनामा बुटवल मण्डपमा जारी औद्योगिक व्यापार मेलामा दर्शकको घुँईचो लागको छ । मेलामा अवलोकनकर्ताको संख्या दिनप्रतिदिन बढ्दै गएको मेला आयोजक बुटवल उद्योग बाणिज्य संघ रुपन्देहीका अध्यक्ष हरिप्रसाद अर्यालले बताए ।

शनिबार करिब ३५ हजार दर्शकले मेलाको अवलोकन रहेको संघका महासचिब तथा मेलाका प्रवक्ता मुक्तिप्रसाद अधिकारीले जानकारी दिए । मेला सचिवालयका अनुसार हालसम्म १ लाख दर्शकले मेलाको अवलोकन गरिसकेको बताईएको छ । त्यस्तै मेलामा हिजो (शनिवार) झण्डै डेढ करोड बराबरको कारोबार भएको संघका बाणिज्य उपाध्यक्ष बिमलराज भट्टराईले बताए ।

शनिबार पशुपती शर्मा, प्रचण्ड जिसी, चेतना थापा, रितु थापा लगायतकोे प्रस्तुती रहेको थियो । आइतबार (आज) पुस्कल शर्मा, प्रकाशराज दुधराज, रेनु राना, लक्ष्मी बस्नेत, उज्वल गिरी, मिसन मगर, डान्सर अश्मी सुनाम लगायतले आफ्नो प्रस्तुती देखाउने सांस्कृतिक कार्यक्रम संयोजक निर्मित कसजुले जनाएका छन् ।

मेलामा भजन चट्का प्रतियोगिता शुरु भएको छ, भने विद्यालय स्तरी लोकदोहोरी गित प्रतियोगिता पनि भएको छ । आईतबार विद्यालय स्तरीय लोकदोहोरी गित प्रतियोगिता र खुल्ला लोक भजन प्रतियोगिता हुने जनाईएको छ । पुस ३ गतेबाट शुरु भएको मेला १८ गतेसम्म सञ्चालन हुनेछ ।