शंकरनगर बनमा विरुवा उत्पादन
![](https://nayadishaonline.com/wp-content/uploads/2024/01/20240106_115500-scaled.jpg)
![](https://nayadishaonline.com/wp-content/uploads/2023/07/357622966_794524715535073_6037331566326578600_n.jpg)
बुटवल, पुस २२ गते । रुपन्देही तिलोत्तमाको शंकरनगर सामूदायिक वनले विभिन्न प्रजातीका विरुवाहरु उत्पादन गरेको छ । वन क्षेत्रको जग्गामा नर्सरी बनाएर सयौ प्रजातीका विरुवाहरु उत्पादन गरेर वनले विक्री वितरण गर्दै आएको छ ।
![](https://nayadishaonline.com/wp-content/uploads/2023/07/308463823_1115005542726158_1075373799681304027_n.jpg)
स्थानीय उत्पादन र आवश्यक अनुसार बाह्य उत्पादन ल्याएर पनि उपभोक्तालाई सस्तो मुल्यमा विरुवा उपलब्ध गराईएको शंकरनगर सामूदायिक वनका अध्यक्ष रविन्द्र बस्नेतले जानकारी गराए । अध्यक्ष बस्नेतका अनुसार बाहिरको मुल्य भन्दा आधा बढी सस्तोमा उपभोक्तालाई विरुवा दिने गरिएको छ ।
वार्षिक १० लाख बढीका विरुवा विक्री गर्ने गरिएको वनका कोषाध्यक्ष भुवन आचार्यले बताए । संघसंस्थाहरुको मागको आवश्यक्ता अनुसार निःशुल्क र सामान्य शुल्क ल्याएर पनि विरुवाहरु दिने गरिउको कोषाध्यक्ष आचार्यले जानकारी गराए ।
![](https://nayadishaonline.com/wp-content/uploads/2023/07/357989126_242148201936365_5896978333846174401_n.jpg)
बैज्ञानिक ढंगले नर्सरी निर्माण गरेर विरुवाहरु उत्पादन गरेको शंकरनगर सामूदायिक वनले थय नयां नर्सरी बढाउने तयारी गरेको छ । दुइ जना कर्मचारीले विभिन्न जातका विरुवाहरु उत्पादन गरेका छन् । अहिले विरुवाहरुको माग बढ्न थालेपछि विरुवा उत्पादनका नर्सरी विस्तार गर्न थालिएको छ । त्यसका लागि नयां टनेल बनाउन थालिएको छ ।
बाहिर भन्दा सस्तो पर्ने र सबै प्रकार बिरुवाहरु पाइने भएकाले उपभोक्ता आउने गरेको नर्सरी हेरालु इन्द्रबहादुर गुरुङले बताए । शंकरनगर सामूदायिक वनबाट विरुवा खरिद गरेर व्यवसायीले बाहिर लगेर विक्री वितरणसमेत गर्ने गरेका छन् ।