श्याम पोखरेल

बुटवल, माघ ४ गते । क्रान्तिकारी कम्युनिष्ट पार्टीका नेता पे्रम सुवेदीले राजनीतिसंगै कृषिलाई प्राथमिकता दिएका छन् । ४५ वर्ष बढी लामो समय राजनीतिमा सक्रिय सुवेदीले दुई वर्ष अघिदेखि राजनीतिसंगै कृषिमा लागेका हुन् ।

क्रान्तिकारी कम्युनिष्ट पार्टीका केन्द्रीय कार्यालय सदस्य सुवेदीले रुपन्देहीको सैनामैनामा अम्वा खेती शुरु गरेका छन् । सैनामैना वडा नम्बर १ मा रहेको आफ्नै धान उत्पादन भैरहेको पांच कठ बढी खेतमा अहिले व्यवसायीक अम्वा खेती शुरु गरेकाछ्न उनले ।

धान रोप्दै आएको खेत मासेर अम्वा खेती शुरु गर्दा सुरुवातको दिनमा धेरैले राम्रो नमाने पनि अहिले धानमा भन्दा अम्वामा बढी आम्दानी हुने गरेको सुवेदीले बताए । भारतको विभिन्न ठाउंमा अम्वा खेती लगायत अन्य कृषि क्षेत्रको अवलोकन गरेपछि अम्वा खेती गर्न थालेको बताउंदै सुवेदीले भने – इमान्दार भएर कृषि उत्पादनमा लागे आम्दानी हुन्छ । नेता सुवेदीका अनुसार धान फल्ने खेतमा अम्वाका ३ सय बिरुवा रोपिएको छ । अहिले यो वर्ष तेस्रो पटक सुवेदीको खेतमा अम्वा उत्पादन भए । मिहिनेत पनि कम, नेपालमा अम्वाको माग उच्च रहेकाले धानबाट भन्दा बढी फाइदा हुने गरेको सुवेदीको भनाइ छ ।

स्वास्थ्यका लागि स्याउमा भन्दा पनि राम्रो खालको प्रोटिन पाइने भएको कारण सुगरका बिरामी, प्रेसरका बिरामी र पाचन प्रणाली कमजोर भएका मानिसका लागि अम्वा उत्तम हुने भएकाले अहिले सुवेदीको फार्मबाटै अम्वा बिक्री हुने गरेको छ । फार्मबाट अहिले पनि प्रतिकिलो १ सय ५० रुपैयांमा अम्वा बिक्री हुने गरेको र टाईवान पिंक जातको अम्बा एउटै बोटमा ९ देखि १० किलोसम्म उत्पादन उत्पादन हुने गरेको छ । एउटा फलको तौल अधिकतम ७ सय ग्रामसम्मको उत्पादन भएको २ देखि ३ सय ग्रामको आम्बा उत्पादन हुंदा अम्वा खेतीबाट नाफा हुने गरेको अनुभव सुनाए पे्रम सुवेदीले ।

सुवेदीको फार्ममा अहिले बर्षमा ३ पटकसम्म नियमित उत्पादन हुदै आएको छ । जसको बजार बुटवल बजार लगायतका स्थानमा हुने गरेको छ । भारतबाट आयात गरिएका विषादी प्रयोग गरिएको अम्वा भन्दा फार्ममा उत्पादन भएको अम्बा अत्यन्तै स्वादीलो र स्वास्थ्यकर हुने भएकाले विषादी प्रयोग नभएको अम्वा खना सुवेदीले आग्रह गरेका छन् । राजनीतिसंगै व्यवसायीक रूपमा अम्वा खेती गर्ने राजनीतिकर्मी सुवेदी रूपन्देहीका लागि पहिलो किसान मानिन्छन् । अहिले बेसिजन भएपनि दैनिक ५ सय देखि १५ किलो अम्वाका लागि अडर आउने गरेको छ । फार्ममा रोपेको अर्को बर्ष नै करिब पौने १ लाख रूपैयांको बिक्री भएपछि राजनीतिमा जमेका सुवेदी पछिल्लो समय कृषिमा रमाउंन थालेका छन् ।
४५ वर्षे लामो सक्रिय राजनीतिक जीवन बिताउनमा र कृषिमा सफलको सफलतामा प्रेम सुवेदीको आफै सफल भएका होइनन् । सुवेदीलाई यहांसम्म ल्याउनमान श्रीमती कमला गौतमको ठुलो साथ सहयोग छ ।