खिमराज चालिसे, (चंडिगढ)
भारतको हिमाचल राज्यको रामपुर बसपार्कमा अलपत्र अवस्थामा फेला परेका वृद्धा रामसिंह राईलाई मूल प्रवाह अखिल भारत नेपाली एकता समाजले उद्दार गरी स्वदेश नेपाल पठाएको छ ।

वर्ष ६० का राईलाई १२ फरवरी २०२५ को उद्दार गरी स्वदेश पठाईएको मूल प्रवाह अखिल भारत नेपाली एकता समाजले जानकारी गराएको छ । विगत ४०–४५ दिनदेखि रामपुर बसपार्कमा अलपत्र अवस्थामा रहेका सिन्धुपाल्चोक अन्थली बारबिसे घर बताउने रामसिंह राई वर्षलाई मूल प्रवाहले स्थानीय पुलीससँग समन्वय गरी गरि नेपाल पठाएको हो ।

रामसिंह राईलाई तत्काल जरुरी लत्ताकपडा जरूरी सामान मूल प्रवाहले उपलब्ध गराई दिएको थियो । वृद्धालाई स्थानीय व्यापारी र पुलिस प्रशासनले पनि सहयोग गरेको जानकारी राज्य समितिका अध्यक्ष विरु श्रेष्ठले जानकारी गराएका छन् ।

पिडित राम सिंहलाई मूल प्रवाहले सहयोग संकलन गरी नेरु ७ हजार २ सय हस्तान्तरण गरेको छ । उनलाई स्थानीय पुलीस प्रशासनको सपोटमा मूल प्रवाहका सिताराम बुढा, लालबहादुर रावत, कृष्णामाया थापा, भावना सिंह, रणवीर र आरके लगायतका नेताहरुले उद्दार गरेका थिए ।