बुटवल, कार्तिक ४ गते । बैंकहरुले व्याजदर बढाएर ज्याजदी गरेको भन्दै रुपन्देहीको बुटवलमा उद्योगी, व्यापारिले बिरोध गरेका छन् ।
बैंकहरुले ऋण खांदाको सम्झौता तोडी मनोमानी रुपमा व्याज बढाएले व्यवसाय संकटका परेको भन्दै उद्योगी व्यवसायीले व्याजदर घटाउन माग गर्दै चर्को व्याजदरको बिरोधमा बिरोध प्रदर्शन गरेका हुन् ।
रुपन्देही व्यापार संघले शुक्रबार बुटवलमा चर्को बैंक व्याज विरुद्ध हातमा कालो पट्टी बांधेर सांकेतिक बिरोध गरेको छ ।एकल एवं संयुक्त आन्दोलनको कार्यक्रम अन्तरगत शुक्रबारदेखि बैंकको चर्को व्याजदर बिरुद्व बिरोध शुरु गरिएको र माग पुरा नभए आन्दोलन चक्राउने उद्योगी व्यापारीले चेतावनी दिएका छन् ।

सरकारले उद्यागी, व्यवसायी तथा व्यापारीहरुको समस्या नबुझेकाले अब उद्योग व्यवासय चलाउन नसकिने अवस्था आएको रुपन्देही व्यापार संघका पूर्व अध्यष पदम श्रेष्ठले बताए ।
नेपाल राष्ट्र बैंकले २०७९ भदौं ७ गते इजाजतपत्रप्राप्त बैंक तथा वित्तिय संस्थाबाट प्रदान हुने चालु पंूजी प्रकृतिका कर्जा सम्बन्धमा आगमी कार्तिक १ गतेदेखि लागू हुने गरी जारी गरेको चालू पूंजी कर्जासम्बन्धी मार्गदर्शन २०७९ र त्यसबाट उत्पन्न परिस्थितीप्रति बिरोध जनाउंदै आन्दोलनमा रहेको संघका सदस्यहरुले बुटवलका हाटजबार लाईन, अमरपथ, ट्राफिकचोक, जेसिस चोक लगायत सबै क्षेत्रमा रहेका व्यवासीलाई हातमा कालो पट्टी बांधेर सांकेतिक बिरोध गरेका हुन् ।

बिरोध र्यालीपछि आयोजित कार्यक्रममा बोल्दै रुपन्देही ब्यापार सघका बरिस्ठ उपाध्यक्ष डिल्ली भण्डारीले सरकारले चर्को ब्याजदर र चालु पूंजी कर्ता अत्याधिकबृद्धि गरेको र व्यावसायी मर्कामा परेको बताए ।
व्यवसायीको आन्दोलनलाई सरकारले वेवस्था गरे थप आन्दोलनका कार्यक्रमहरु अगाडी बढाउने बताए।
संघका महासचिव दयानिधि भण्डारीले पछिल्लो समयमा नेपालको अर्थतन्त्र चलायमान हुन नसकेको अवस्थामा बैंक वित्तीय संस्थाहरुबाट विना कारण पटकपटक व्याजमा भैरहेको बृद्धिले व्यवसाय संकटमा परेको गुनासो गरे ।
बैंक, वित्तिय संस्थाहरुबाट लिएका ऋणको व्याज अस्वाभाविक रुपमाबृद्धि गरिएको र त्यसमा कसैको निगरानी नहुंदा व्यवसायी पलायन हुने अवस्थामा पुगेको उनले बताए ।
रुपन्देहीका उद्योगी तथा व्यापारिक संस्थाहरुको सञ्जालले संयुक्त रुपमा शुक्रबार नै नेपाल राष्ट्र बैंक, सिद्धार्थनगर शाखा मार्फत राष्ट्र बैंकका गभर्नरलाई ज्ञापनपत्र बुझाएका छन् ।