कष्णनगर । इलाका प्रहरी कार्यालय कृष्णनगर परिसरमा माता दुर्गा भवानी मन्दिरको समुद्घाटन गरिएको छ । कृष्णनगर नगरपालिकाका नगर प्रमुख रजत प्रताप शाहको अध्यक्षता र जिल्ला प्रहरी कार्यालय कपिलवस्तुका प्रहरी उपरिक्षक निरन्जन दत्त भट्टको प्रमुख आतिथ्यतामा मन्दिरको समुद्घाटन गरिएको हो ।

इलाका प्रहरी कार्यालय कृष्णनगरका प्रहरी निरिक्षक सुरज खत्रीको पहलमा वडा २ तथा नगरपालिकाको आर्थिक सहयोगमा माता दुर्गा मन्दिर निर्माण सम्पन्न भई सर्वसाधारणकाबीच समुद्‍घाटन कार्यक्रम सम्पन्न भएको छ । मंगलबार कलश परिक्रमा भएपछि पुजा अर्चना गरी बुधबार इप्रका परिसरमा मुर्ती स्थापना गरिएको पुरोहित शास्त्री रेशमलाल गैरेले बताए ।

कृष्णनगर नगरपालिका वडा नं २ को ७ लाख पचास हजार बजेट टेन्डर प्रक्रिया बाट मन्दिर निर्माण गरिएको जानकारी वडाध्यक्ष कृष्ण कुमार गुप्ताले बताए ।

कार्यक्रममा उद्योग वाणिज्य संघ कृष्णनगरका अध्यक्ष रितेश शर्मा, इलाका प्रहरी कार्यालय गणेशपुरका प्रहरी निरिक्षक हर्ष बहादुर चन्द, वडाध्यक्ष प्रहलाद यादव, तुंग नाथ चौधरी लगायत समाजसेवी, जनप्रतिनिधि, प्रहरी, भक्तजनहरुको उपस्थित रहेको थियो ।