बुटवल, जेठ ३० गते । केही वर्ष अघिसम्म बुटवल ११ मा पर्ने मजुवा क्षेत्र बुटवलको कर्णाली भनेर चिनिन्थ्यो । बुटवल बजारसंगै पूर्व–पश्चिम राजमार्गसंग जोडिएको मजुवा क्षेत्र विकासको हिसावले धेरै पछाडी परेको थियो । तर अहिले विकास भएपछि नचिनिने भएको छ ।

पुरानो वस्ती भएको र लालपूर्जा भएको उक्त क्षेत्र तीनाउ र दानव नदीको विचमा पर्ने भएकाले पनि यसको विकासमा खासै ध्यान दिईएको थिएन । पछिल्ला केही वर्ष यतादेखि उक्त ठाउंमा घर बनाएर बस्ने मानिसहरुको वस्ती बढेपछि अहिले विकासले फड्को मारेको छ ।
तीनाउ र दानव नदीको चपेटोमा परेको मजुवा क्षेत्रमा १५ हजार बढी जनसंख्या रहेको छ ।

ठूलो जनसंख्या भएको क्षेत्र भएपछि राजनीतिक दलहरुले यो वस्तीलाई लामो समयसम्म मभोटबैंकको रुपमा प्रयोग गर्दै आएका थिए । तर खासै विकास भएको थिएन । चुनावको बेला नदी तटबन्दन र सडक खानेपानीदेखि सबैका लागि वजेटको आश्वासन दिंदै चुनाव जित्ने गरेपनि खासै विकास भएको थिएन । जसका कारण यसलाई केही वर्ष अघिसम्म बुटवलको कर्णाली भनेर चिनिन्थ्यो बुटवल ११ को मजुवा क्षेत्र ।

पछिल्लो केही वर्ष यतादेखि उक्त ठाउंमा विकासपे्रमी सचेत युवाहरु बस्न थालेपछि विकासले फड्को मारेको बताउछन् स्थानीय महेन्द्र अर्याल । विकासका लागि वजेट परेको छ, अझै विकास गर्छौ । बुटवलको कर्णाली भनेर चिनिने यो ठाउंलाई सिंगापुर बनाउने गरी लागेका छौ ।
मजुवा अन्तरगत पर्ने सिरान गाउं, दुर्गानगर, धुर्वनगर, टप मजुवा लगायतका आधा दर्जन बढी वस्तीमा ७ वटा टोल विकास संस्थाहरु विकासका काममा सक्रिय छन् ।

अहिले उक्त क्षेत्रमा सडकहरुह कालोपत्रे भएका छन्, भने बांकी रहेका सडकहरु कालोपत्रे गर्ने अभियान चलेको छ । तीनवटा खानेपानी संस्था छन् । बुटवलको मैनानगरलाई जोड्नका लागि पुलको अभाव थियो, भने अहिले ठूलो पक्की पूल सञ्चालनमा छ ।
हिजो विद्यालय नभएर ठूलो समस्या रहेको ठाउंमा अहिले स्कुलहरु खोलिएका छन् । सामाजिक क्षेत्रका लागि मठमन्दिर, सामाजिक भवनहरु निर्माण गरिएको छ ।

अहिले आर्थिक वर्ष २०८१ । २०८२ को आर्थिक वर्षको वजेटले धुर्वनगर टोल विकास संस्थाको भवन बनाउन लागिएको छ ।
पूर्व अर्घाखांची निवासी भरत अधिकारीको अगुवाईमा धुर्वनगर टोल विकास संस्थाको भवन बनाउन लागिएको हो । धुर्वनगर टोल विकास संस्थाका अध्यक्षसमेत रहेका युवा उद्यमी भरत अधिकारीले बुटवल उपमहानगरपालिकाको आर्थिक सहयोगमा झण्डै १० लाखको लगानीमा भवन बनाउन लागिएको बताए ।

आठवटा सडकहरु कालोपत्रे गर्न लागिएको जानकारी गराउंदै स्थानीय युवा भरत अधिकारीले भने – हामी यो ठाउंमा आउंदा खोलाको डर थियो, अहिले तटबन्दन गरेपछि बढी ढुक्क भएका छौ । मन्दिर, पुल, खानेपानी, सामाजिक भवनहरु बनाएका छौ र सरसफाईमा सबैको चासो छ । विकासका कामलाई प्राथमिकतामा ाराखेका छौ, उनले भने ।

आफ्नो व्यवसायसंगै समग्र मजुवा क्षेत्रको विकासका लागि दैनिकी जस्तै बनाएका भरत अधिकारीले विकासमा धेरैको साथसहयोग रहेको र केही समाजलाई दुषित बनाउन खोज्ने खालका मान्छे भएपनि उनीहरुको केही नचलेको र विकासका कामले मजुवा क्षेत्र उज्योला बन्दै गएको छ ।