बुटवल, साउन ११ गते । गाजामा इजरायलले खाद्यान्न आपूर्तिमा अवरूद्ध गरेपछि बालबालिकाहरू नुन खाएर भोक मेट्न बाध्य भएका छन् ।
इजरायल–हमास युद्ध सुरु भएको २२ महिनामा हालसम्म भोकमरीका कारण १२४ जनाको मृत्यु भइसकेको छ, जसमध्ये ८१ जना बालबालिका छन् । केवल जुलाई महिनामै भोकका कारण ४० जनाको मृत्यु भएको छ, तीमध्ये १६ बालबालिका छन् ।

गाजामा रिपोर्टिङ गरिरहेका पत्रकारहरूका अनुसार त्यहाँ ५० ग्रामको बिस्कुटको मूल्य एक हजार रुपैयाँ भन्दा बढी पर्ने अवस्था छ । नगद पैसा झिक्नका लागि ४५ प्रतिशतसम्म कमिसन दिनुपर्छ । यो तस्विरले बालबालिकाहरुको अधिकार हनन् भएको पुष्टि हुन्छ ।