काठमाडौँ । मौसम पूर्वानुमान महाशाखाका अनुसार, हाल मनसुनको न्यून चापीय रेखा सरदर स्थानको आसपासमा अवस्थित रहेको छ। यसका साथै, बंगालको खाडीबाट जलवाष्पयुक्त हावाको प्रभाव पनि नेपालमा परेको छ।

आज दिउँसो देशभर सामान्य बदली रहनेछ । बागमती, गण्डकी, कर्णाली र सुदूरपश्चिम प्रदेशका पहाडी भू भागका केही स्थानमा तथा बाँकी तराईका थोरै ठाउँमा मध्यम वर्षा हुने सम्भावना छ । विशेष गरी बागमती र कर्णाली प्रदेशको पहाडी भू भागका एक दुई स्थानमा भने भारी वर्षाको सम्भावना रहेको छ । यसका अतिरिक्त, मधेश, कोशी र लुम्बिनी प्रदेशको तराई क्षेत्रमा हावाहुरी चल्ने सम्भावना पनि छ।

रातीको समयमा मधेश, कोशी र बाँकी पहाडी भू भागमा सामान्य बदली रही बाँकी भू भागमा आंशिक बदली हुनेछ । कोशी, मधेश, बागमती र गण्डकी प्रदेशका पहाडी भू भागका थोरै स्थानमा र बाँकी तराईका एक दुई स्थानमा मध्यम वर्षाको सम्भावना छ । गण्डकी प्रदेशको पहाडी भू भागका एक(दुई स्थानमा भारी वर्षाको सम्भावना रहेको छ।