काठमाडौँ। जल तथा मौसम विज्ञान विभागले देशका विभिन्न स्थानमा वर्षा भइरहेको भन्दै सावधानी अपनाउन आग्रह गरेको छ।

पछिल्लो एक घण्टामा लमजुङको राइनासटार वर्षा मापन केन्द्रमा ११५.६ मिलिमिटर भारी वर्षा रेकर्ड भएको छ । यसैगरी, गोरखाको आरुघाटमा १७.१, स्याङ्जामा १४.२, सिन्धुपाल्चोकमा १५.२, डोटीमा १६.२ र बझाङको थलारामा ११.८ मिलिमिटर वर्षा मापन भएको छ । राजधानी काठमाडौँ आसपासका क्षेत्रमा पनि हल्का वर्षा भइरहेको छ।

विभागले गण्डकी, कर्णाली र सुदूरपश्चिम प्रदेशका केही साना नदीहरूको बहाव आकस्मिक रूपमा बढ्न सक्ने र बाढी आउने जोखिम रहेको भन्दै सतर्क रहन आग्रह गरेको छ।