बुटवल, मंसिर २२ गते । आगमी पुस १४ गतेदेखि बुटवलमा नवौँ जिल्लास्तरीय स्नुकर प्रतियोगिता हुने भएको छ । नेपाल बिलियड्र्स पुल तथा स्नूकर संघ रुपन्देहीको आयोजनामा पुस दोस्रो सातादेखि बुटवलमा नवौं जिल्लास्तरीय खुल्ला स्नूकर प्रतियोगिता हुने हो ।

बुटवलस्थित खस्यौली स्नूकर क्लबमा पुस १४ गतेदेखि २१ गतेसम्म प्रतियोगिता सञ्चालन हुने आयोजकले सोमबार पत्रकार सम्मेलन गरी जानकारी गराएका छन् । प्रतियोगितामा रुपन्देही जिल्लाका १ सय २८ जना खेलाडीबीच प्रतिस्पर्धा हुने संघका अध्यक्ष सुजन पुनले जानकारी गराए ।

प्रतियोगिताको विजेताले एक लाख, उपविजेताले ५० हजार तथा हाइएस्ट स्कोररले २० हजार,उदियमान खेलाडी र अनुसासित खेलाडीले ५÷५ हजार र स्नूकर स्टीक प्राप्त गर्ने छन् । स्नूकरको जिल्लास्तरीय प्रतियोगिताको विजेताले पाउने यो राशी हालसम्मकै सर्वाधिक भएको अध्यक्ष पुनले बताए ।

प्रतियोगिताको निरन्तरता र खेलाडीको प्रोत्साहनमा बुटवल उपमहानगरको आर्थिक सहयोग महत्वपूर्ण रहको अध्यक्ष पुनले बताए । १५ लाख रुपैयां खर्च अनुमान गरिएको प्रतियोगितालाई बुटवल उपमहानगरपालिकाको मुख्य आर्थिक सहयोग गर्ने संघका महासचिव प्रकाश क्षेत्रीले बताए ।

प्रतियोगिता सम्पन्न गर्न ५ वटा उपसमिति गठन गरेर तयारी अघि बढाइएको क्षेत्रीले बताए । पत्रकार सम्मेलनमा बोल्दै बुटवल नगर खेलकुंद विकास समितिका संयोजक बोनिन पियाले रुपन्देही जिल्ला स्नुकर खेलको हबको रुपमा विकास भएको उल्लेख गर्दै हरेक वर्ष प्रतियोगिता हुंदा खेलाडीलाई प्रोत्साहन हुने बताए । पियाले स्नूकर खेल अन्तर्राष्ट्रिय स्तरमा निकै प्रतिष्ठित खेल भएपनि नेपालमा अझै ओझेलमा परेकाले यसको विकासमा बताए ।

संघका प्रमुख सल्लाहकार सञ्जयरत्न बज्राचार्यले प्रतियोगितामा खेलाडीहरुलाई नियम र अनुशासन पालन गरेर खेल खेल्न र खेलाउन सुझाव दिए । संघले नियमितरुपमा हरेक वर्ष प्रतियोगितालाई निरन्तरता दिएर स्नुकर खेल लाई थप उचाइमा पुराएको महासचिव प्रकाश क्षेत्रीले बताए ।
प्रतियोगिता सम्पन्न गर्न विभिन्न ६ वटा उपसमितिहरु गठन गरिएको उनले जानकारी गराए । जसअनुसार खेल उपसमिति संयोजकमा विजय गुरुङ तथा सदस्यहरुमा समुन्द्र अमात्य र लक्ष्मण आले, आर्थिक उपसमिति संयोजकमा संघका महासचिव प्रकाश क्षेत्री तथा सदस्यहरुमा प्रदीप विक र बिर्जु केसी, प्रचार प्रसार उपसमिति संयोजकमा टिआर शर्मा तथा सदस्यहरुमा सुशान्त पाण्डे र मिन गाहा रहेका छन् ।

अतिथि सत्कार तथा खाजा व्यवस्थापन उपसमिति संयोजकमा पुरन राना तथा सदस्यहरुमा रबिन श्रेष्ठ र सुरज पुन छन् । त्यस्तै विराट भट्टचन संयोजक रहेको प्राविधिक उपसमितिका सदस्यहरुमा रमेश मल्ल र सागर गाहा मगर छन् ।