नेपाल समाजवादी पार्टीको लुम्बिनी उपाध्यक्षमा नागिला
![](https://nayadishaonline.com/wp-content/uploads/2022/08/narayan-nagila.jpg)
![](https://nayadishaonline.com/wp-content/uploads/2023/07/357622966_794524715535073_6037331566326578600_n.jpg)
बुटवल, साउन ३१ गते। बुटवलका नारायण नागिला नेपाल समाजवादी पार्टी लुम्बिनी प्रदेशको उपाध्यक्षमा चयन भएका छन् ।सो पार्टीको बुटवलमा सम्पन्न भेलाले नागिलालाई उपाध्यक्षमा चयन गरेको हो । यस अघि उनी सोही पार्टीकै लुम्बिनी प्रदेश प्रचार विभाग प्रमुख थिए ।
नारायण नागिला २०५५ सालदेखि तत्कालिन नेकपा माओवादीको विद्यार्थी संगठन अखिल क्रान्तिकारीमा आवद्व भएर काम गरेका थिए । उनी २०५४ सालदेखि २०७२ सालसम्म अखिल क्रान्तिकारीका नेता थिए ।
नेकपा माओवादीले सञ्चालन गरेको जनयुद्वलाई बुटवलमा बसेर सहयोग पुराएका थिए । माओवादीबाट डाक्टर बाबुराम भट्टराई अलग भएसंगै युवा नेता नारायण नागिला माओवादीसंग असन्तुष्ट बनेका थिए ।
नेकपा माओवादीलाई छोडेर बाबुरामलाई साथ दिएका नागिला बाबुराम भट्टराईले गठन गरेको नयां शक्ति पार्टीको बुटवल इन्चार्ज भएर काम गरेका थिए ।
बाबुरामलाई साथ दिंदै आएका नागिलाले पछिल्लो पटक डाक्टर बाबुराम भट्टराई नेतृत्वमा रहेको पार्टी विभाजन हुंदा पनि उनले बाबुरामला नै साथ दिएका छन् ।
आउने मंसिर ४ गते हुने संघीय र प्रदेशको चुनाबमा प्रदेश या त संघीय सांसदमा उठ्ने युवा नेता नागिलाको तयारी छ ।
लामो समय बाबुरामलाई साथ दिंदै आएका नागिलालाई बाबुराम भट्टराईले नै प्रदेश वा संघीय सांसदका लागि सिफारिस गर्ने प्रवल सम्भावना रहेको उनी निकट एक नेताले बताएका छन् ।
तनहु जिल्लामा जन्मेका उनी २०५४ सालदेखि बुटवलमा बस्दै आएका छन् ।
![](https://nayadishaonline.com/wp-content/uploads/2023/07/308463823_1115005542726158_1075373799681304027_n.jpg)