बुटवल, जेठ २७ गते । प्यूठान– रुपन्देही सम्पर्क मञ्चका सचिव र पर्यटन व्यवसायी शारदा जीसीलाई पुत्रशोक परेको छ । बुटवल ११ कालिकानगरमा पर्यटन व्यवसाय सञ्चालन गर्दै आएका सामाजिक व्याक्तित्व जीसी दम्पतिका जेठा छोरा एडिसन जीसीको निधन भएको छ ।

१२ वर्षिय एडिसन जीसीको शुक्रबार राती बुटवलको आम्दा अस्पतालमा उपचारको क्रममा निधन भएको हो । ज्वरो आएपछि राती उपचारको लागि आम्दा अस्पतालमा लगेर उपचार गर्ने क्रममा निधन भएको घरपरिवारले बताएको छ । स्व. अडिसन जीसीको शनिबार रुपन्देहीको तिलोत्तमाको मगरघाटमा सामाजिक परम्परा अनुसार अन्त्येष्टी गरिएको छ ।

प्यूठान– रुपन्देही सम्पर्क मञ्चले शोक सभाको आयोजना गरी स्वं अडिसन जीसीको अन्तिम दाहासंस्कार गरिएको मञ्चका सहसचिव वेवि क्षेत्री जानकारी गराए ।
नेकपा माओवादी केन्द्रका लुम्बिनी प्रदेश अध्यक्ष सुर्दशन बराल र प्यूठान रुपन्देही सम्पर्क मञ्चका अध्यक्ष श्यामलाल पोखरेल लगायतले स्व. अडिसन जीसीप्रति श्रदाञ्जली अर्पण गरेका थिए ।

प्यूठानको झिमरुक गाउंपालिका वडा नम्बर ५ निवासी प्रदीप जीसी र शारदा जीसीले केही वर्ष अघिदेखि बुटवलमा पर्यटन व्यवसाय सञ्चालन गर्दै आएका छन् ।