नवलपरासीमा छोराले आमाको हत्या गरे
![](https://nayadishaonline.com/wp-content/uploads/2023/06/hateya.jpg)
![](https://nayadishaonline.com/wp-content/uploads/2023/07/357622966_794524715535073_6037331566326578600_n.jpg)
बुटवल, असार १२ गते । पश्चिम नवलपरासीमा छोराले आमाको हत्या गरेका छन् । नवलपरसीको सुनवल नगरपालिका–१३ बिचैपुर गाउंमा छोराले आमाको हत्या गरेको प्रहरीले बताएको छ ।
सोमबार साँझ २५ वर्षीय शिवकुमार मुसहरले ५० वर्षीया बुद्धिरानी मुसहरको टाउकोमा धारिलो हतियार प्रहार गरी हत्या गरेको जिल्ला प्रहरी कार्यालयका डीएसपी भोजराज पाण्डेले बताएका छन् ।
![](https://nayadishaonline.com/wp-content/uploads/2023/07/308463823_1115005542726158_1075373799681304027_n.jpg)
प्रहरीका हनुसार आमाको हत्या गरेर शवलाई घरभित्र छाडेर छोरा फरार भएका थिए । काम गरेर साँझ घर फर्केका शिवका बुवाले घरभित्र श्रीमतीको शव देखेपछि स्थानीयले प्रहरीलाई खबर गरेका थिए।
अभियुक्त शिवकुमारले यसअघि पनि २ पटकसम्म आमालाई बेहोस हुने गरी कुटपिट गरेर छाड्ने गरेको प्रहरीले जनाएको छ। आमालाई मात्र होइन उनले श्रीमतीलाई पनि दैनिक रूपमा कुटपिट गर्ने गरेका थिए।
![](https://nayadishaonline.com/wp-content/uploads/2023/07/357989126_242148201936365_5896978333846174401_n.jpg)
कुटपिट सहन नसकेपछि अभियुक्तकी श्रीमती दुई महिनाअघिबाट माइतमा बस्दै आएको प्रहरीले बतायो । हत्यापछि फरार रहेका अभियुक्त रुपन्देहीको गैंडाहवा–८ मैनिहवामा लुकेर बसेको अवस्थामा मंगलबार प्रहरीले पक्राउ गरेको हो ।
हत्याबारे अनुसन्धान भइरहेको प्रहरीले बताएको छ ।