महेश रिजाल
भालुवाङ, असार १९ गते । राष्ट्रिय जनमोर्चा दाङले पहुँचवालाले मल स्टक राखेर पहुंचको आधारमा बाड्ने काम भएको बताएको छ । सरकारले मलको पर्याप्त स्टक रहेको बताइरहेकै बेला किसानले खेतीपातीको समयमा मल नपाएको भन्दै राष्ट्रिय जनमोर्चाले आपत्ती जनाएको छ ।

राष्ट्रिय जनमोर्चा दाङ जिल्ला अध्यक्ष गणेश आचार्यले किसानलाई सहज रुपमा मल, विउ उिपलब्ध गराउन सरकासंग माग गरेका छन् । २०८० असार १९ गते अध्यक्ष आचार्यले विज्ञप्ती जारी गरी सरकारले किसानका समस्या बुझ्न नसकेको र सरकार किसानमैत्री नभएको बताएका छन् ।

मलका लागि सहकारीमाथि दोष थुपार्ने तथा सहकारीले मलको बहानामा जबर्जस्ती सेयर सदस्य बढाएकोमा आपत्ति प्रकट गर्दै राजमो दाङले मलको सहज आपूर्तिका लागि सरकारसँग माग गरिएको छ ।

“खेतीकिसानीको यो बेलामा रासायनिक मलमा देखिएको अव्यवस्थाले हाम्रो पार्टीको गम्भीर ध्यानाकर्षण भएको छ । हाम्रो पार्टी राष्ट्रिय जनमोर्चा किसानको हितको पक्षमा बारम्बार मुद्दा उठाउँदै आएको छ । अहिले मलको जुन समस्या देखिएको छ, यो विषयले हाम्रो ध्यान खिचेकाले यो प्रेसविज्ञप्तिमार्फत् सरोकारवालाहरूको ध्यानाकर्षण गराउन चाहान्छौँ । विज्ञप्तीमा उल्लेख छ ।

सरकार मल पर्याप्त रहेको र मलको समस्या नरहेको कुरा बारम्बार बताइरहेको छ तर वास्तविक साना किसानलाई मलको ठुलो समस्या देखिएको छ । स्थानीय सरकारको जिम्मेवार पद र नेतृत्वमा भएकाहरूसमेतबाट पहुँचवालाले मात्र मल पाउने गरेको र उनीहरूले हिउँदे खेतीको लागि समेत मल स्टक गरेको कुरा आइराखेको छ । को हुन् ती पहुँचवाला ? खेतिकिसानी गर्नेहरू नै मलको पहुँचवाला हुनुपर्ने होइन र ? यस्तै कुराले नै गणतन्त्रको उपहास गरिराखेको छ । यो कुरा राष्ट्रिय जनमोर्चाका लागि स्वीकार्य हुँदैन र हामीले कडा शब्दमा यसको निन्दा गर्न चाहान्छौँ । विज्ञप्तमिा भनिएको छ ।

सहकारीलाई दोष थोपरेर सरकार पन्छने गरेको छ । जनताको घर घरमै पुग्ने नाटक मञ्चन गरेर तीन तहको सरकार बनेको होइन र ? अनि, अहिले त्यहीँ मल पु¥याउनका लागि सहकारी गुहार्नुपर्ने किन ? के सहकारी सरकारकै अङ्ग हो ? सबै नागरिक सहकारीमा जोडिनैपर्ने हो ? यही मौकामा सहकारी सञ्चालकहरू जबर्जस्ती सहकारीको सेयर सदस्य थपेका छन् । सरकारको योभन्दा निरीहता केही हुन सक्दैन । हामीलाई यो कुराले गम्भीर ध्यानाकर्षण गराएको छ । हामीले यस्ता कार्यको निन्दा गर्दछौँ र सरोकारवालाको ध्यानाकर्षण गराउन चाहान्छौँ ।
जति नै मलको समस्या नरहेको कुरा सरकारले बारम्बार गरे पनि अहिले पनि मलको सहज आपूर्ति नभएको देशभरका किसानहरुको गुनासो छ ।

विज्ञप्तीको पूर्णपाठ

राष्ट्रिय जनमोर्चा
जिल्ला समिती दाङ देउखुरी
बिषय – प्रेस बिज्ञप्ती

खेती किसानीको यो बेलामा रासायनिक मलमा देखीएको अब्यबस्थाले हाम्रो पार्टीको गम्भीर ध्यानाकर्षण भएको छ । हाम्रो पार्टी राष्ट्रिय जनमोर्चा किसानको हितको पक्षमा बारम्बार मुद्दाहरु उठाउदै आएको छ । अहिले मलको जुन समस्या देखीएको छ । यो विषयले हाम्रो ध्यान खिचेकोले यो प्रेस बिज्ञप्ती मार्फत सरोकारवालाहरुको ध्यानाकर्षण गराउन चाहान्छौ ।

सरकार मल प्रयाप्त रहेको र मलको समस्या नरहेको कुरा बारम्बार बताइरहेको छ । तर वास्तविक साना किसानहरुलाइ मलको ठूलो समस्या देखीएको छ । स्थानीय सरकारको जिम्मेवार पद र नेतृत्वमा भएकाहरु समेतबाट पहुँचवालाहरुले मात्र मल पाउने गरेको र उनिहरुले हिउदे खेतीको लागि समेत मल स्टक गरेको कुरा आइराखेको छ । को हुन ती पहुँचवालाहरु ? खेती किसानी गर्नेहरु नै मलको पहुचवाला हुनुपर्ने होइन र ? यस्तै कुराहरुले नै गणतन्त्र को उपहास गरीराखेको छ । यो कुरा राष्ट्रिय जनमोर्चाको लागि स्वीकार्य हुदैन र हामिले कडा शब्दमा यसको निन्दा गर्न चाहान्छौ । सहकारी लाई दोस थोपरेर सरकार पन्छ्ने गरेको छ । जनताको घर घरमै पुग्ने नाटक मंचन गरेर तीन तहको सरकार बनेको होइन र ? अनि अहिले त्यही मल पुराउनको लागि सहकारी गुहार्नु पर्ने किन ? के सहकारी सरकार कै अंग हो ? सबै नागरिक सहकारीमा जोडीनै पर्ने हो ? यहि मौकामा सहकारी संचालकहरु जबर्जस्त सहकारीको सेर सदस्य थपेका छ्न । यो भन्दा निरहियता सरकारको केही हुन सक्दैन । हामिलाइ यो कुराले गम्भीर ध्यानाकर्षण गरेको छ । हामिले यस्ता कार्यको निन्दा गर्दछौ र सरोकारवालाहरुको ध्यानाकर्षण गराउन चाहान्छौ ।

जति नै मलको समस्या नरहेको कुरा सरकारले बारम्बार गरेपनी अहिले पनि मलको सहज आपूर्ति भैराखेको छैन । तत्काल सहज आपूर्ति र आम किसानले सहज बाताबरणमा मल पाउने ब्यबस्थापन मिलाउन सरकार र सम्बन्धित सरोकारवाला शीत जोडदार माग गर्दछौ ।
मिति २०८०÷०३÷१९
गणेश आचार्य
अध्यक्ष