बुटवल, असार २६ गते । तीन महिना नपुग्दै कपिलवस्तु बुद्धभूमि नगरपालिका वडा नं १ कपासी निवासी गीता भुसाललाई जीवनमा सबैभन्दा ठूलो बज्रपात परेको छ ।
श्रीमान गुमाएको तीन महिना नपुग्दै गीताले दुई नाबालक छोरा गुमाउनु प¥यो ।

गत बैशाख ७ गते श्रीमान गुमाएकी गीताले यही २०८० असार २६ गते मंगलबार दुइ छोरा पनि गमाएकी छन् । जसले गर्दा उनको जीवनमा सबै भन्दा द्धचोट परेको छ । गीताका श्रीमान् बाबुराम भुसालले गत वैशाख ७ गते आत्महत्या गरेका थिए । ९ वर्ष र १२ वर्षका छोराहरुलाई सर्पले टोकेर मृत्यु भएको छ । श्रीमान् गुमाएपछि दुई छोरालाई एक्लै हुर्काउनुपर्ने दायित्व बढेपछि गीता बाध्यताले श्रीमान बितेपछि रोजगारीका लागि बिदेश गएकी थिइन ।

सर्पले टोकेर छोरोहरुको मृतयु हुनुभन्दा २५ दिन अगाडी उनी बैदेशीक रोजगारकिा लागि दवुै उडेकी थिइन । नाबाल दुई छोरालाई आफ्ना हुजरबा र हजुर आमको साथमा छोडेर विेद गएको महिना दिन नपुग्दै छोराहरुको मृत्युले गीताको जीवनमा सबै भन्दा ठूलो बज्रपात भयो । कपिलवस्तुको बुद्धभूमि नगरपालिका वडा नं १ कपासी कपिलवस्तुकी गीता दुबई गएको एक महिना नहुंदै घरमा दुवै छोरा एकैपटक एकैदिन गुमाएको खबर उनका लागि ठूलो पींडा बन्यो । गरिबीका कारण श्रीमान गुमाएको छोटो समयमै विदेश जानु उनकालाई रहर थिएन, बाध्यता थियो ।

नाबालक छोराहरुको शिक्षा, पालनपोषण र बुढाबुढी सासु ससुरा पाल्नुपर्ने उनको व्यवहारिक समस्या थियो । त्यसैले उनी मनमा गांठो पारेर नाबालक छोराहरुलाई पढाई लेखाइ गरेर ठूलो मान्छे बनाउने सपना थियो । तर तिनै सपना आज गीताका लागि चकनाचुर भए ।

सोमबार राति गीताको घरमा अर्को विपत्ति आइलाग्यो । आफ्नै हजुरआमासँगै सुतेका उनका दुई छोराहरुलाई सर्पले टोक्यो र मंगलबार दुवै छोराको मृत्यु भयो ।
छिमेकीहरुका अनुसार सुरुमा सर्पले टोकेको भन्ने थाहा भएन । सामान्य होला भनेर केही समय घरेलु औषधी उपचार तिर लागियो । जब बढी हुन थालेपछि बिहान ४ बजेको समयमा दुवै जनालाई गोरुसिंगेको बुद्ध पोलिक्लिनिकमा लगियो । तर त्यहां उपचार हुन नसकेपछि बुटवलको लुम्बिनी प्रादेशिक अस्पताल पुराएपनि बचाउन सकिएन गीताका दुवै छोराहरुलाई ।
हजुर आमासँगै भूँइमा बिस्तारा लगाएर सुतेका उनीहरु दुवै जनाकोो टोकाइबाट मृत्यु भएपछि भुसाल परिवारमा ठूलो बज्रपात परेको छ ।
परिवारमा बुढा हजुरबुबा आमासँगै बस्दै आएका ९ वर्षका प्रदीप भुसाल र १२ वर्षका दीपक भुसाललाई समयमै सर्पले डसेको थाहा भएको भए गोरुसिंगेमै रहेको सर्पदंश उपचारमा लगेर बचाउन सकिने छिमेकी बाबुराम अर्याल बताउछन् ।

मृतक ९ वर्षका प्रदीप भुसाल र १२ वर्षका दीपक भुसालले गोरुसिंगेको पारिजात बोर्डिङ स्कुलमा पढ्दै आएका थिए ।
प्रदीप र दीपक भुसालको मृत्युको कारण अस्पतालको रिपोर्ट अनुसार सर्पदंशको भएकाले समयमै उपचार गराउन सकिएको भए बचाउन सकिने बताउछन् कपिलवस्तु सर्पदंश उपचार केन्द्रका व्यवस्थापक नवीन भण्डारी ।

हजुरआमालाई अहिले सर्पदंश उपचार केन्द्र भर्ना गरी उपचार गरिदै छ । अवस्था सामान्य रहेको बताईएको छ ।
यस्तै कपिलवस्तुमै सोमबार सर्पले डसेको थाहा नहुँदा थप दुई महिलाको मत्यु भएको सर्पदंश उपचार केन्द्रले जनाएको छ । मृत्यु हुनेमा महाराजगञ्ज नगरपालिकाका ३१ वर्षीया अनिता यादव र बुद्धभूमि नगरपालिका वडा नम्बर १० धनकौलीका वर्ष १४ की ममता चमार छन् ।

वर्षात शुरुभएसंगै तराई क्षेत्रमा सर्पको विगबिगी बढेको छ ।