लुम्बिनीका मुख्यमन्त्री र सभामुखबीच छलफल, सरकार विस्तारमा केन्द्रित
![](https://nayadishaonline.com/wp-content/uploads/2023/12/savamukha.jpg)
![](https://nayadishaonline.com/wp-content/uploads/2023/07/357622966_794524715535073_6037331566326578600_n.jpg)
बुटवल, मंसिर २२ गते । लुम्बिनी प्रदेशका मुख्यमन्त्री डिल्लीबहादुर चौधरी र सभामुख तुलाराम घर्ती मगरबीच शुक्रबार भेटवार्ता भएको छ ।
![](https://nayadishaonline.com/wp-content/uploads/2023/07/308463823_1115005542726158_1075373799681304027_n.jpg)
शुक्रबार बुटवलमा भएको भेटवार्तामा हिउंदे अधिवेशन आव्हान, प्रदेश सभाको विषयगत समितिको सभापति चयन, सरकार बिस्तार लगायतका विषयमा छलफल भएको सभामुखको स्वकीय सचिवालयले जनाएको छ ।
झन्डै एक घण्टा भएको छलफल भेटमा सरकार र सभाका काम कारवाहीलाई प्रभावकारी रुपमा लैजान एक आपसमा समन्वय आवश्यक्ता पर्ने मुख्यमन्त्री र सभामुखले जोड दिएका थिए ।
![](https://nayadishaonline.com/wp-content/uploads/2023/07/357989126_242148201936365_5896978333846174401_n.jpg)
प्रदेश सभाको काम कारवाहीलाई प्रभावकारी बनाउन सभामा प्रतिनिधित्व गर्ने दलहरुबीच सहकार्य र सरकार गठबन्धनको बिषयमा पनि छलफल भएको सभामुखका पे्रस सल्लाहाकार रुद्रहरि कुवंरले बताएका छन् ।
मुख्यमन्त्री र सभामुखबीच सरकार र प्रदेश सभा संचालनको सन्दर्भमा नियमित रुपमा छलफल भएपनि राजधानी देउखुरी उपत्यका सरेपछि बुटवलमा भएको भेटघाट पहिलो बताईएको छ ।
दुबैजना कार्यक्रमको सिलसिलामा रुपन्देही आएको अवस्थामा बुटवलमा भेटघाट गरी छलफल भएको थियो ।