लुम्बिनी प्रदेशमा दुई मन्त्री थपिने
![](https://nayadishaonline.com/wp-content/uploads/2023/12/lumbini.jpg)
![](https://nayadishaonline.com/wp-content/uploads/2023/07/357622966_794524715535073_6037331566326578600_n.jpg)
बुटवल, पुस ८ गते । लुम्बिनी प्रदेशमा आज दुई जना मन्त्री थपिदै छ । मुख्यमन्त्री डिल्लीबहादुर चौधरीले आज मन्त्रालय बिस्तार गर्ने तयारी छ । कांग्रेसबाट सरोज थापा (रोज राणा) र माओवादीबाट कृष्णा केसी नमुनालाई थपेर आज मन्त्रिपरिषद् विस्तार गर्ने तयारी भएको छ ।
![](https://nayadishaonline.com/wp-content/uploads/2023/07/308463823_1115005542726158_1075373799681304027_n.jpg)
कांग्रेसबाट प्युठानका सांसद सरोज थापा र माओवादीबाट बांकेकी सांसद कृष्णा केसीलाई मन्त्री बनाउने टुंगो लागेर सरकारबाट पत्र आएको र आज आइतबार शपथ हुने प्रदेश प्रमुखको कार्यालय स्रोतले जानकारी गराएको छ ।
सरकारका प्रवक्ता सन्तोष पाण्डेका अनुसार मुख्यमन्त्री चौधरीले शनिबार कांग्रेसबाट थापालाई मन्त्री बनाउने टुंगो लगाएका हुन् । थापा र केसीलाई आज आइतबार शपथग्रहण गराइने कार्यक्रम तय भएको छ । कृष्णा केसी खानेपानी, ग्रामीण तथा सहरी विकास मन्त्री बन्ने र थापालाई उद्योग, पर्यटन तथा यातायात व्यवस्था मन्त्रालयको जिम्मेवारी दिने कांगे्रस र माओवादीमा सहमती भएको एक कांगे्रस नेताले बताए ।
![](https://nayadishaonline.com/wp-content/uploads/2023/07/357989126_242148201936365_5896978333846174401_n.jpg)
शुक्रबार मन्त्रिपरिषद् विस्तार गर्ने भनिए पनि कांग्रेसभित्र कुरा नमिलेपछि रोकिएको थियो । कांगे्रस भित्रको विवादले रोकिएको मन्त्रिपरिषद् विस्तारले आज आइतबार पूर्णता पाउने भएको छ ।