बदल्ने छु समाज
जीवनदीप प्रकृति
बाबा : बाह्र पास भयौ छोरी अब बिहे गर है,
नगुमाउँ की खानदानी राम्रो घर है ।।
छोरी : पहिले जस्तो कहाँ छ र अहिलेको जवाना,
पढ्दा पढ्दै विहे गर्ने छैन् चाहना ।।
बाबा : राम्रो घर बारम्बार के आउलार घुमेर,
पढाइमा नै गइ जान्छ आधा उमेर ।।
छोरी : भविष्यलाई विर्सिएर घरबार जोड्दिन,
असल बाटो हिड्छु बाबा वचन तोड्दिन ।।
बाबा : पढाइ पनि दाइजो पनि के सकुँला दिनलाई,
के गरेर तिरौँला खै साहुको ऋणलाई ।।
छोरी : दाइजो होइन चाहिएको छ शिक्षा आज छोरीलाई,
स्वावलम्बी बन्ने छु म जीवन भरीलाई ।।
बाबा : गरिवीले थिचेको छ केही छैन् आधार,
सुरक्षा नि छैन छोरी न त रोजगार ।।
छोरी : बा आमाले साथ दिए मान्ने छैन मैले हार,
बदल्ने छु समाजलाई ल्याएर नयाँ विचार ।।
