महिला भलिबल प्रतियोगिताको उपाधि बुटवललाई
![](https://nayadishaonline.com/wp-content/uploads/2024/05/22-2.jpg)
![](https://nayadishaonline.com/wp-content/uploads/2023/07/357622966_794524715535073_6037331566326578600_n.jpg)
बुटवल, बैशाख २९ गते । बुटवलमा भएको अन्तरपालिका स्तरीय उपमेयर कप महिला भलिबल प्रतियोगिताको उपाधि बुटवल उपमहानगरपालिकाले जितेको छ । शनिबार भएको फाइनल खेलमा बुटवल उपमहानगरपालिकाले तिलोत्तमा नगरपालिकालाई २५–९,२५–८ र २५–१४ को सोझो सेटमा हराउदै उपाधि हात पारेको हो ।
![](https://nayadishaonline.com/wp-content/uploads/2023/07/308463823_1115005542726158_1075373799681304027_n.jpg)
प्रतियोगितामा तिलोत्तमा नगरपालिका उपविजेता बनेको छ भने गैडहवा गाउपालिका तेस्रो र सुद्वोदन गाउपालिकाले सान्त्वना स्थान प्राप्त गरेको छ । उपाधिसंगै बुटवलले नगद ५० हजार, शिल्ड, मेडल र प्रमाणपत्र प्राप्त गरेको छ । उपविजेता तिलोत्तमाले नगद ३० हजार, तृतीय हुने गैडहवाले नगद २० हजार र सान्त्वना स्थान प्राप्त गरेको सुद्वोदनले नगद १० हजार प्राप्त गरेको छ ।
प्रतियोगिताका विजेता, उपविजेता, तृतीय र सान्त्वना स्थान प्राप्त गर्ने पालिकाहरूलाई बुटवल उपमहानगरपालिकाका प्रमुख खेलराज पाण्डे, उपप्रमुख सावित्रादेवी अर्याल, नगर खेलकुद विकास समिति अध्यक्ष बोनिन पिया लगायतले पुरस्कार तथा सहभागीताको प्रमाणपत्र प्रदान गरेका थिए । प्रतियोगितामा बुटवल सहित रूपन्देहीका ६ पालिकाको सहभागीता रहेको कार्यक्रम संयोजक सेरजंग गुरूङले बताए ।
![](https://nayadishaonline.com/wp-content/uploads/2023/07/357989126_242148201936365_5896978333846174401_n.jpg)
अन्तरपालिका स्तरीय उपमेयर कप महिला भलिबल प्रतियोगिता तीन दिनसम्म चलेको थियो ।