बुटवलको अस्पताललाइन अगाडि गुडिरहेको ट्रकमा आगलागी
![](https://nayadishaonline.com/wp-content/uploads/2024/05/20240521_182141-scaled.jpg)
![](https://nayadishaonline.com/wp-content/uploads/2023/07/357622966_794524715535073_6037331566326578600_n.jpg)
बुटवल, जेठ ८ गते । बुटवलको अस्पताललाइन अथवा भुड्कीचोक अगाडि गुडिरहेको ट्रकमा आगलागी भएको छ । मंगलबार सांझपख गुडिरहेको मालवाहक ट्रकमा एक्कासी आगलागी भएको हो । ईलाका प्रहरी कार्यालय बुटवलले दिएको जानकारी अनुसार ना ६ ख ८३१५ नम्बरको ट्रकमा आगलागी भएको हो ।
![](https://nayadishaonline.com/wp-content/uploads/2023/07/308463823_1115005542726158_1075373799681304027_n.jpg)
नारायणगढदेखि बुटवलको नयाँ गाउँस्थित ढुवानी ग्रामका लागि सामान बोकेर आउँदै गरेको ट्रकमा उक्कासी आगलागी हुंदा ट्रकमा रहेको केही समान जलेर नष्ट भएको छ ।
ट्रकमा वायरिङका तथा मोटो खालको कालोतारका बण्डलहरु जलेर नष्ट भएका छन् ।
उक्त ट्रकमा औषधी तथा मिठाइ लगायत सामानहरु रहेको प्रहरीले बताएको छ । ट्रकमा आगोलागी भए लगत्तै प्रहरी र सडक यात्रीको सहयोगमा आगो नियन्त्रण गरिउका कारण ट्रकमा लोड गरिएका सबै समान जल्नबाट बचाईएको छ ।
![](https://nayadishaonline.com/wp-content/uploads/2023/07/357989126_242148201936365_5896978333846174401_n.jpg)
केही तारकाम बण्डल, औषधी र मिठाईका प्याकेटहरु जले पनि ठूलो क्षति भएको छैन । कति क्षती भयो र के कारणले आगोलागी भयो भन्नेबारे अनुसन्धान गरिने प्रहरीले बताएको छ ।