बुटवल, असार २० गते । लुम्बिनी प्रदेशमा नयां सरकार गठनका लागि एमाले अग्रसर भउको छ । बिहीबार लुम्बिनी प्रदेश सरकारलाई दिएको समर्थन फिर्ता लिएको एमालेले नयां सरकार गठनका लागि आफ्ना मन्त्रीहरुले राजीनामा दिएपछि एमालले सरकार गठनको अभियान थालेको हो ।

मुख्यमन्त्री जोखबहादुर महरालाई दिएको समर्थन फिर्तासंगै गरेपछि एमालेले आफ्नो नेतृत्वमा सहमतिको सरकार गठनको प्रक्रिया सुरु गरेको हो ।शुक्रवार एमालेका प्रमुख सचेतक तुल्सी चौधरीले प्रदेश प्रमुखको कार्यालयलाई जानकारी पत्र बुझाएका हुन् । प्रदेश प्रमुख अमिक शेरचन भने औषधी उपचारका लागि केही दिनदेखि काठमाडौंमा रहेकाले एमालेका सचेतक चौधरीले प्रदेश प्रमुख कार्यालयका उपसचिव धर्मा अर्याललाई पत्र बुझाएका हुन् ।

एमालेका सचेतक चौधरीले बुझाएको पत्रमा मुख्यमन्त्री जोखबहादुर महरा नेतृत्वको सरकार अल्पमतमा परेकाले राष्ट्रिय सहमतिको सरकार गठनको प्रक्रियालाई छिटो अगाडी बढाउन आग्रह गरिएको छ । उक्त पत्र बुझ्दै उपसचिव अर्यालले प्रदेश प्रमुख अमिक शेरचनलाई पत्र बुझाउने र प्रदेश प्रमुखको निर्देशन अनुरुप आवश्यक काम अगाडी बढाउने बताइन । एमाले प्रमुख सचेतक चौधरीले सरकारलाई दिएको समर्थन फिर्ता लिएर राष्ट्रिय सहमतिको सरकार गठनका लागि पहल सुरु गरिएको बताए ।
संघमा सत्ता समिकरण फेरबदल भएसंगै कांगे्रस र एमाले सरकार गठन गर्ने अभियानमा जुटेका छनत् ।

लुम्बिनीमा एमालेले सरकारलाई दिएको समर्थन फिर्ता लिएपछि लुम्बिनी मुख्यमन्त्री जोखबहादुर महरा अल्पमतमा परेका छन् । अब मुख्यमन्त्री महारासंग जम्मा १८ जना सांसद छन् । नयां सरकार गठनका लागि एमालेका २९ र कांग्रेसका २७ गरी ५६ जना सांसद छन् । लुम्बिनीमा एमाले र कांगे्रस मिलेपछि सरकार बनाउन बहुमत पुगेको छ ।
८७ जना सांसद रहेको लुम्बिनी प्रदेश सभामा सरकार संचालनका लागि कम्तीमा ४४ सांसदको समर्थन आवश्यक पर्दछ ।

लुम्बिनीमा एमालेका २९ र कांगे्रसका २७ जना सांसद छन् । नागरिक उन्मुक्ति पार्टी र राष्ट्रिय प्रजातन्त्र पार्टीका ४, ४ जना, लोकतान्त्रिक समाजवादी पार्टी र जनता समाजवादी पार्टीका ३,३, जना नेकपा एकीकृत समाजवादी र राष्ट्रिय जनमोर्चाका एक, एक जना सांसद छन् । त्यस्तै स्वतन्त्रबाट एक जना सांसद गरी लुम्बिनी प्रदेशमा ८७ सांसद छन् ।
एमाले र कांगे्रेसको बहुमत पुग्ने भएपछि अन्य दललाई सरकारमा सहभागी बनाउने नबनाउने विषयमा एमाले र कांगे्रसवीच कुराकानी नै भएको छैन ।