बुटवल, जेठ ९ गते । रुपन्देहीको देवदह नगरपालिकामा राष्ट्रिय जनमोर्चाको प्रथम नगर सम्मेलन भएको छ । राष्ट्रियय जनमोर्चाले देशभर संगठन विस्तार कार्यक्रम अन्र्गत महानगरपालिका, उपमहानर, नगरपालिका र गाउंपालिकाहरुमा सम्मेलन र भेला गर्दै आएको छ ।

सोही कार्यक्रम अनुसार मंगलबार रुपन्देहीको देवदह नगरपालिकामा पालिका स्तरीय प्रथम नगर सम्मेलन सम्पन्न भएको हो । सम्मेलनको राजमो लुम्बिनी प्रदेश कोषाध्यक्ष गणेश गौतमले उद्घाटन गरेका थिए ।

सोही उद्घाटन कार्यक्रममा बोल्दै कोषाध्यक्ष गौतमले देशमा बढेको राष्ट्रघात र भ्रस्टाचार बढेपछि राष्ट्रिय जनमोर्चाको माग बढेको बताए ।
राष्ट्रिय जनमोर्चा अहिलेसम्म राष्ट्रियताको पक्षमा सम्झौताहिन संघर्ष गर्दै भ्रष्टाचार, अनियमितता र संघीयताको बिरोधमा उभिएको पार्टी भएकाले अहिले देशमा राष्ट्रिय जनमोर्चाको भूमिका बढेको उनले बताए ।

संघीयता खारेजी, अमेरिकी, भारतीय साम्राज्यबाद, देशीय सामन्तबाद र भ्रष्टाचारको बिरुद्व एकजुट हुनुपर्ने बताउंदै प्रदेश संरचना खारेज नभएसम्म अब देश आर्थिक रुपले सवल नहुने दावी गरे ।

कार्यक्रममा राजमो लुम्बिनी कार्यलय सचिव भीमलाल न्यौपाने, राजमो रुपन्देहीका पूर्व अध्यक्ष पुरुषेत्तम कंडेल र लालबहादुर क्षेत्रीले सम्मेलन सफलताको शुभकामना दिएका थिए ।
सम्मेलनले धनु पाण्डेको अध्यक्षमा ९ पूर्ण र ४ वैकल्पिक र ३ सल्लाहकारसहितको नगर समिति गठन गरेको छ । समितिको उपाध्यक्षमा गामुध्वज मल्ल, सचिव भोजराज विक, सहसचिव दुर्गा काउछा र कोषाध्यक्षमा बागबिर पुन चयन भएका छन् ।

सदस्यहरुमा तारा थापा, भुवन थापा, भीमबहादुर थापा, दुर्गा तरामु मगर रहनुभएको छ भने वैकल्पिक सदस्यमा यमदिसा मगर, भरत गुरुङ, मोहित थापा निर्वाचित भएका छन् । एक स्थान रिक्त राखिएको छ ।

पुरुषोत्तम कंडेल, हरि केसी, धनकुमारी थापालाई सल्लाहाकारमा चयन गरिएको नवनिर्वाचित अध्यक्ष धनु पाण्डेले जनाकारी गराएका छन् ।

हरि केसीको अध्यक्षता, भोजराज विकको सञ्चालन र धन कुमारी थापाको स्वागतमा कार्यक्रम भएको हो ।