सरकारको चौतर्फी बिरोधपछि पेट्रोलियम पदार्थको मुल्यवृद्दि फिर्ता
![](https://nayadishaonline.com/wp-content/uploads/2023/10/mul-mmm.jpg)
![](https://nayadishaonline.com/wp-content/uploads/2023/07/357622966_794524715535073_6037331566326578600_n.jpg)
बुटवल, असोज १४ गते । सरकारको चौतर्फी बिरोध भएपछि पेट्रोलियम पदार्थको मुल्यवृद्दि फिर्ता भएको छ । नेपाल आयल निगमले आइतबार राती १२ बजेदेखि लागु हुनेगरी पेट्रोलियम पदार्थको मूल्यवृद्धि फिर्ता हुने बताएको छ ।
![](https://nayadishaonline.com/wp-content/uploads/2023/07/308463823_1115005542726158_1075373799681304027_n.jpg)
देश, विदेशबाट सरकारको बिरोध हुनुका साथै सडक र सदनबाट पनि मुल्यवृद्दिको बिरोध हुने भएपछि सरकार बाध्यतामा परेर मुल्यवृद्दि फिर्ता भएको हो ।
पेट्रोलियम प्रधानमन्त्री पुष्पकमल दाहाल प्रचण्डले मुल्यवृद्दि फिर्ता लिन निर्देशन दिएपछि आइतबार राति १२ बजेदेखि लागु हुनेगरी मुल्यवृद्धि घटाइएको निगमले जनाएको छ । प्रधानमन्त्री प्रचण्डबाट निर्देशन भए बमोजिम स्वचालित मूल्य प्रणाली यथावत हुनेगरी हाल भएको मुल्य मुल्यवृद्दि स्थिरीकरण कोष र नेपाल सरकारबाट प्राप्त हुने रकमबाट समायोजन गर्ने गरी मुल्यवृद्दि आइतबार राति १२ बजेदेखि लागु हुने गरी फिर्ता गरिएको नेपाल आयल निगमले निगमले जारी गरेको सूचनामा उल्लेख छ ।
![](https://nayadishaonline.com/wp-content/uploads/2023/07/357989126_242148201936365_5896978333846174401_n.jpg)
शनिबार राति १२ बजेबाट लागु हुनेगरी आयल निगमले सबै प्रकारका पेट्रोलियम पदार्थको मूल्यवृद्धि गरेको थियो । आइतबार बिहान आफूसँग सल्लाह नगरी इन्धनको मूल्यवृद्धि गरिएको भन्दै प्रधानमन्त्री प्रचण्डले आयल निगमसंग असन्तुष्टि जनाएका थिए ।