राजमो बुटवलमा पदम श्रेष्ठ बुटवल । राष्ट्रिय जनमोर्चा बुटवलको दोस्रो सम्मेलनपछिको प्रथम भेला सम्पन्न भएको छ । अध्यक्ष चित्रबहादुर केसीको प्रमुख आतिथ्यतामा बुटवलको चादवारीमा भेला सम्पन्न भएको हो । उक्त भेलामा बोल्दै राष्ट्रिय जनमोर्चाका अध्यष चित्रबहादुर केसीले देशमा प्रतिगमनको खतरा कायमै रहेको बताए ।

सरकारको नेतृत्वबाट ओली हड्दैमा प्रतिगमन सकिएको भन्नै नमिल्ने बताउंदै राजनीतक रुपले प्रतिगमनप्रति सचेत हुनुको विकल्प नभएको अध्यक्ष केसीको भनाइ छ । प्रतिगमन तत्काल पराजित भए पनि राजनीतिक पार्टी र नेपाली जनताको उच्च सतर्कताले मात्र लोकतान्त्रिक गणतन्त्र र धर्म निरपेक्षता संस्थागन हुन सक्ने बताए ।

व्यवहारिक रुपमा संघीयता असफल सिद्व भैसकेको दावी गर्दै संघीयताबादी दलहरु नै संघीयताको बिपक्षमा रहेको अध्यक्ष केसीको तर्क छ । पूर्व उपप्रधानमन्त्रीसमेत रहेका नेता केसीले पार्टीको नीति निर्देशन र अनुशासन पालना गरेर पार्टीका कार्यक्रमहरुलाई अगाडी बढाउन निर्देशन गरे ।

पार्टीका बिरुद्व कम्युनिष्ट बिरोधी शक्तिहरुको चलखेल बढेको बताउंदै चित्रबहादुर केसीले भने पार्टीलाई जोगाएर जनताकोबीचमा जानका लागि पार्टीको नीति निर्देशन पालना गर्नु नेता तथा कार्यकर्ताको नैतिक दायित्व हो । भेलाले ११ पूर्ण चार वैकल्पिक र पाँच सल्लाहकारसहितको बुटवल उपमहानगरपालिका नगर समिति चयन गरेको छ ।

राष्ट्रिय जनमोर्चा बुटवलको दोस्रो सम्मेलनपछिको प्रथम भेलाले पदम श्रेष्ठ अध्यक्ष रहेको बुटवल नगर समिति गठन गरेको हो । नगर समितिको उपाध्यक्ष केपी पोखरेल, सचिव गंगालाल सापकोटा, सहसचिव गोपाल बन्जाडे र कोषाध्यक्ष मायां खनाल चयन हुनुभएको छ ।

त्यस्तै सदस्यहरूमा अमृता पुन, दिलप्रसाद नेपाली, दीपक थापा, गनिराम बिसी, गुनकुमारी रेश्मी र रेणुसिंह तथा वैकल्पिक सदस्यमा दीपक थापा, दिनेश पोखरेल, थानबहादुर पुन र शेरबहादुर थापा रहनुभएको छ ।

भेलाले तुल्सीराम शर्मा, टानबहादुर केसी,मुक्तिराम सापकोटा, कृष्ण केसी र रामप्रसाद पाण्डेलाई सल्लाहाकारमा चयन गरेको छ । कार्यक्रममा राजमो रुपन्देहीका अध्यक्ष बद्रे आलम, अखिल नेपाल राष्ट्रिय उद्योग व्यापार संघका अध्यक्ष ढुण्डीराज शर्मा लगायतले बोलेका थिए । केपी पोृखरेलको अध्यक्षता र टानबहादुर केसीको सञ्चालनमा कार्यक्रम भएको थियो ।