बुटवल, माघ ११ गते । सुस्ता बचाउ अभियानका अभियान्ता तथा संयोजक गोपाल गुरुङको निधन भएको छ । राष्ट्रबादी नेपाली गोपाल गुरुङको निधनले एउटा इतिहांस ढलेको छ ।
भारतीय पक्षद्वारा नेपाली अतिक्रमित भूमि संरक्षणका लागि गोपाल गुरुङ संगठित रुपमा सम्झौताहिन संघर्षमा उत्रेका थिए ।
तिनै राष्ट्रबादी नेपाली आफ्नो भूमि जोगाउन पहडा बनेर उभिएका थिए ।

जसको निधनले आमराष्ट्रबादी नेपाली स्तब्ध भएका छन् । लामो समयदेखि संघर्षरत सुस्ता बचाउ अभियानका संयोजक गोपाल गुरुङको उपचारको क्रममा निधन भएको हो । भारतीय अतिक्रमणको चपेटामा परेको नवलपरासी (बर्दघाट–सुस्ता पश्चिम) सुस्तामा नेपाली भूमि जोगाउन २४ वर्षदेखि अभियान सञ्चालन गर्दै आउनुभएका ६२ वर्षीय गुरुङ मस्तिष्काघात भई झण्डै एक महिनादेखि भैरहवाको मेडिकल कलेजमा अस्पतालमा उपचाररत थिए ।
उपचारको क्रममा मंगलबार सांझ मृत्यु भएको अस्पतालले बताएको छ ।
गुरुङको अकस्मात मस्तिष्काघात (ब्रेन हेम्ब्रेज) भएपछि रुपन्देहीको भैरहवा मेडिकल कलेजमा भेन्टिलेटरमा उपचार भैरहेको थियो । नेपाल प्रहरीको हवल्दार सेवाबाट अवकासप्राप्त गुरुङ विसं २०५५ देखि सुस्तामा बसेर अतिक्रमणविरुद्ध लड्दै आएका थिए गुरुङ ।
विसं २०६२ देखि भारतीय पक्षले सुस्ता अतिक्रमणलाई तीव्रता दिएपछि सोही सालको जेठ १७ गते गुरुङले सुस्ता बचाउ अभियान नामको समिति गठन गरेर अतिक्रमणका विरुद्व लागेका थिए ।
अतिक्रमण विरुद्ध लागेको भन्दै भारतीय सुरक्षाकर्मीले गुरुङलाई झुटा मुद्दा लगाएर बगाहा जेलमा एक वर्ष थुनेको पनि थियो ।
स्व. गोपाल गुरुङको नेतृत्वमा बनेको सुस्ता बचाउन अभियानले पटक–पटक सुस्ताको नेपाली बचाउन सरकारसंग लिखित रुपमा सहयोग माग्दै आएको थियो ।
स्थायी सीमा नभएका कारण भारतले पटकपटक अतिक्रमण गर्दै आएको सुस्ता लगायत अन्य ठाउंमा स्थायी सीमा स्तम्भ राख्न गोपाल गुरुङले पहल गर्दै आएका थिए ।
सुस्ताको नेपाली जमिन १९ हजार चार सय ८० हेक्टर जमिन भारतले आफ्नो अधिनमा राखेको छ ।

त्यसको खिलापमा गोपाल गुरुङले भारतीय ज्याजदीका विरुद्व लड्दै आएका थिए । सुस्ता बचाउन ज्यान दिएर लागेका गोपाल गुरुङको निधनले देशलाई ठूलो क्षती पुगेको छ ।