बुटवल, फागुन ११ गते । नेपाल मगर संघ बुटवलले यही फागुन १५ गते । ४३ औं मगर दिवस मनाउने भएको छ । उसले पांच दिवसीय कार्यक्रमको आयोजना गरी मगर दिवस मनाउन लागेको हो ।

नेपाल मगर संघ बुटवलले आइतबार बुटवलमा पत्रकार सम्मेलन गरी मगर दिवस मनाउनेबारे जानकारी गराएको छ । संघका बुटवल उपमहनगर अध्यक्ष बसन्ती साठिघरेमगरले यसपाली पनि मगर दिवस अधिकार प्राप्तीका लागि आन्दोलनको रुपमा मनाउन लागिएको बताइन ।
केही रचनात्मक कार्यक्रमहरु समावेश गरी पाँच दिवसीय कार्यक्रम अन्तरगत पत्रकारसंग भेट्घाट, समसामयिक विषयमा अन्तरक्रिया, अस्पतालमा फलफूल वितरण, बाजेबजै थानमा सरसफाई र फागुन १५ गते बुटवलमा मूल समारोहको आयोजना गरी मगर दिवसको मनाउने तयारी गरिएको अध्यबक्ष बसन्तस् साठीघरमगरले बताइन ।

पत्रकार सम्मेलनमा बोल्दै नेपाल मगर संघ जिल्ला समन्वय समिति रुपन्देहीका अध्यक्ष थर्कबहादुर बारघरेमगरले मगर दिवसको अवसरमा रुपन्देहीका स्थानीय सरकारलाई फागुन १५ गते सार्वजनिक बिदा दिन माग गरे ।
रुपन्देहीमा करिब दुई लाख मगरहरुको बसोबास रहेको उल्लेख गर्दै उनले स्थानीय सरकारहरुले मगर दिवसको दिन सार्वजनिक विदालाई आफ्नो क्यालेण्डरमा समावेश गर्न आग्रह गरेका छन् ।

संघको यो आग्रह अहिले शालीन ढङ्गमा गरिएको र यसलाई सुनुवाई नगरी अटेर गरेमा आगामी अर्को वर्ष ‘रुपन्देही बन्द’ सम्मको कार्यक्रम आयोजना गरिने चेतावनी दिए ।

मगर समुदायको भाषालाई लुम्विनी प्रदेशमा सरकारी कामकाजी भाषाको रुपमा प्रयोग, विद्यालयमा मगर भाषामा शिक्षाको सुलभ व्यवस्था, राज्यको हरेक संरचना र क्षेत्रमा पूर्ण समानुपातिक समावेशी सिद्धान्त लागु गर्नुपर्ने, नेपालका प्रथम शहीद लखन थापामगरलाई राष्ट्रिय विभूति घोषणा गर्नुपर्ने मगर संघले आफ्ना मागहरु पत्रकार सम्मेलनमकार्फत सार्वजनिक गरेको छ ।