बुटवल/देशमा बढ्दो आर्थिक संकटले व्यापार-व्यवसायमा देखिएको असरलाई समाधान गर्न नीतिगत रुपमा राज्यले धेरै सुधार गर्नु पर्ने सुझाव सो क्षेत्रका अगुवाहरुले दिएका छन् । उनीहरुले नीजि क्षेत्रका समस्यालाई राज्यले सम्बोधन गर्दै आर्थिक चलायमान बनाउने कुरामा आफुलाई केन्द्रीत गर्नु आजको आवश्यक्ता रहेको उनीको धारणा रहेको छ ।
रुपन्देही व्यापार संघले नयाँ बर्ष–२०८० को उपलक्ष्यमा मंगलवार आयोजित शुभकामना आदान प्रदान कार्यक्रममा बोल्ने बक्ताहरुले मुलुकमा देखिएको आर्थिक तरलता र चर्को बैंक व्याजका कारण व्यवसाय पलायन हुने अवस्थामा पुगेको उल्लेख गर्दै त्यसमा गम्भिर बन्न आग्रह गरेका थिए ।

कार्यक्रममा बोल्दै प्रमुख अतिथि लुम्बिनी प्रदेशका पूर्व स्वाश्थ्यमन्त्री तथा प्रदेश सभा सदस्य भोजप्रसाद श्रेष्ठले देशमा अस्थिरता, सरकारमा दलबदल, पार्टीहरुमा गुटउपगुट र सत्तामा अल्झने प्रवृतिले राष्ट्र विरोधि शक्ति हावी भएको बताउदै त्यसले राज्यलाई ध्वस्त बनाएको धारणा राख्नु भयो । यस प्रकारका प्रवृतिको अन्त्यका लागि सबै क्षेत्रबाट दवाव जरुरी रहेको बताउनु भयो ।
श्रेष्ठले व्यवसायमा देखिएको निराशालाई खुशीमा बदल्ने र समस्याबाट मुक्ति पाउने विषय सबैको साझा चुनौतिको विषय भएको उल्लेख गर्दै राज्यले नीजि क्षेत्रलाई अलग राखेर गर्ने काम र नीतिले अराजकता मात्र निम्तने हुदा व्यवस्थापकिय पक्ष बलियो बनाउनु जरुरी रहेको बताउनु भयो । उहाले राज्यलाई सधै व्यवसायीक क्षेत्रबाट सचेततापूर्वक दवाव दिनु पर्ने आजको आवश्यक्ता रहेको र स्वार्थकेन्द्रीत गतिविधि बन्द गर्नु पर्ने कुरामा जोड दिनु भयो ।

संघका पूर्व अध्यक्ष मोतीलाल पाण्डेले व्यवसायीक क्षेत्रका समस्या र आवश्यक्ताका विषयमा व्यवसायीक संघसंस्थाहरुकावीचमा एकता र सहकार्य जरुरी रहेको बताउदै आफ्ना मग र समस्याका विषयमा एक भएर जान नसक्ने व्यवसायीक संघसंस्थाहरुको औचित्य नभएको धारणा राख्नु भयो । उहाले प्रदेश राजधानीको विषयलाई सधै राजनीति गर्ने विषय मात्र बनाईरहनु जरुरी नरहेको र बुटवलको व्यापार व्यवसायलाई चलायमान बनाउन नया ढंगले सोच्न आग्रह गर्नु भयो ।
अर्का पूर्व अध्यक्ष पदम प्रसाद श्रेष्ठले पछिल्लो समयमा व्यवसायीहरु धेरै पिडामा रहेको उल्लेख गर्दै त्यसको समाधान नीतिगत रुपमा खोज्नु पर्ने बताउनु भयो । उहाले राजनीति सहि नहुदासम्म राज्यका काम पनि ठिक नहुने बताउनु भयो ।
नेपाल पत्रकार महासंघ, रुपन्देहीका अध्यक्ष रामराज पोखरेलले विकास निमार्णको काममा सबैको सहकार्य, दवाव र एकता जरुरी रहेको उल्लेख गर्दै बुटवलको वजारलाई बचाउनका लागि घरभाडामा ५० प्रतिशत कटौती गर्न जरुरी रहेको बताउनु भयो ।
उद्योग व्यापार संघका अध्यक्ष गोविन्द गैरेले राज्यले उद्योगी व्यवसायीहरुको समस्या बुझ्ने काम गर्न नसकेको गुनासो गर्दै यस क्षेत्रका समस्याहरुमा सामुहिक लडाई जारी राखन अनुरोध गर्नु भयो ।

बुटवल उद्योग वाणिज्य संघका कार्यसमिति सदस्य बसन्त ढकालले नया वर्षले नया उर्जा थप्ने बतावरण निमार्ण हुने विशवास व्यक्त गर्दै बुटवलको भविष्य संकटमा परेको अवस्थाप्रति सोच्न आग्रह गर्नु भयो ।
व्यापार संघका सल्लाहाकार कृष्ण प्रसाद पाण्डेले आर्थिक संकटमा मुलुक परेको वर्तमान अवस्थामा नया वर्षले नया उत्साहा ल्याउने विश्वास व्यक्त गर्दै ओरालो लागेको व्यवसायलाई राहात दिने काम गर्न सुझाव दिनु भयो ।
कार्यक्रम संघका अध्यक्ष कृष्ण प्रसाद पाण्डेको अध्यक्षता, महासचिव दयानिधि भण्डारीको सञ्चालन तथा वरिष्ठ उपाध्यक्ष डिल्लीराज भण्डारीको स्वागतमा सम्पन्न भएको थियो ।