सुन प्रकरणको आरोपमा बुटवलका बालाजी र लक्ष्मीपती सुनचांदी पसल सिल
![](https://nayadishaonline.com/wp-content/uploads/2023/07/sunchadi.jpg)
![](https://nayadishaonline.com/wp-content/uploads/2023/07/357622966_794524715535073_6037331566326578600_n.jpg)
बुटवल, असार १८ गते । सुन प्रकरणमा संलग्नता रहेको आरोपमा बुटवलको अमरपथमा रहेको बालाजी सुनचाँदी पसल र लक्ष्मीपती सुनचाँदी पसल सिल गरिएको हो ।
रुपन्देहीको कालिदह नाका हुँदै भारतर्फ लैजादै गर्दा बरामद भएको साढे २ केजी सुन प्रकरणबारे प्रारम्भिक अनुसन्धानका क्रममा बालाजी सुनचाँदी पसल र लक्ष्मीपती सुनचाँदी पसलको उक्त सुन प्रकरणमा संलग्नता देखिएको हो ।
![](https://nayadishaonline.com/wp-content/uploads/2023/07/308463823_1115005542726158_1075373799681304027_n.jpg)
गत असार १० गते लुम्बिनी साँस्कृतिक नगरपालिका–१३ कालिदह नाका हुँदै नेपालबाट भारततर्फ लैजादै गर्दा सशस्त्र प्रहरीले झण्डै साढे २ केजी सुन बरामद गरेको थियो ।
सुन बरामद गर्दा पक्राउ परेका व्यक्तिहरुको बयानका आधारमा बुटवलको अमरपथमा रहेको बालाजी र लक्ष्मीपती सुनचाँदी पसलका सञ्चालकको संलग्नता देखिएको प्रारम्भिक अनुसन्धानबाट खुलेको भैरहवा भन्सार कार्यालयले बताएको छ ।
बालाजी र लक्ष्मीपती सुनचाँदी पसल गरी अनुसन्धान भइरहेको र विस्तृत विवरण भने खुलाउन नमिल्ने भन्सार कार्यालयका प्रमुख मनिराम अर्यालले नयां दिशलाइ बताएका छन् ।
![](https://nayadishaonline.com/wp-content/uploads/2023/07/357989126_242148201936365_5896978333846174401_n.jpg)
सुनसहित पक्राउ परेका दाङको घोराही उपमहानगरपालिका १० का हुमानन्द गिरीलाई जिल्ला अदालतबाट म्याद थप गरी अनुसन्धान सुरु गरिएको छ ।
सुनसहित पक्राउ परेका हुमानन्द गिरीबाट बालाजी सुनचाँदी पसल र लक्ष्मीपती सुनचाँदी पसलको संलग्ता रहेको बताईएको छ ।