अटावरी पर्व मनाउंदै थारु समूदाय
![](https://nayadishaonline.com/wp-content/uploads/2023/09/atari-parba.jpg)
![](https://nayadishaonline.com/wp-content/uploads/2023/07/357622966_794524715535073_6037331566326578600_n.jpg)
बुटवल, भदौ ३१ गते । थारू समुदायले आफ्नो मौलिक पर्व अटवारी पर्व मनाउँदै छन् । मुख्यगरी थारू पुरुषहरूले व्रत बसी मनाइने अटवारी पर्व थारु समुदायको लागि महान् पर्व हो । अटवारीको अघिल्लो दिन भिन्सर्या (अघिल्लो मध्यराति)मा दर खाने गरिन्छ । आज (आइतबार) दिउँसो रोटी पकाउने गरिन्छ । रोटी पकाउन शुद्ध आगोको प्रयोग गरिन्छ । थारु समूदायले यो अटवारी पर्व धुमधामका साथ मनाउने गर्दछन् ।
![](https://nayadishaonline.com/wp-content/uploads/2023/07/308463823_1115005542726158_1075373799681304027_n.jpg)
आगो नफुकेरै सकेसम्म माघी पर्वसम्म जोगाएर राख्ने चलन रहेको थारू अगुवाहरूको भनाइ छ । शनिबार राती दर खाएपछि आज (आइतबार) दिनभर व्रत बस्ने परम्परा थारु समुदायमा रहेको छ ।
![](https://nayadishaonline.com/wp-content/uploads/2023/07/357989126_242148201936365_5896978333846174401_n.jpg)
साँझ अटवारी परिकार खानुअघि आफ्ना दिदीबहिनीका लागि केही भाग निकाल्ने र आगोको पूजा गरिन्छ । अटवारीमा रोटी, केरा, अम्बा, काँक्रो, फलफूल, सर्वत र दही खाने गरिन्छ ।
भोलि सोमबार बिहान नुहाएर खाना पकाउन सुरु गरिन्छ । खाना तयार भएपछि दाइभाइले दिदीबहिनीका लागि आफ्नो खानाबाट अग्रासन वा केही भाग छुटाउँछन् । सोही दिन अथवा सोमबार विवाहित दिदीबहिनीको घरमा अग्रासन दिन जाने परम्परा रहेको छ । खासगरी पश्चिम तराईका थारू समुदायले अटवारी पर्व धूमधामका रूपमा मनाउँछन् । तर पूर्वका थारू समुदायले भने यस पर्वलाई रैव पर्वको रूपमा मनाउने गर्छन् ।
अटवारी पर्वको अवसरमा लुम्बिनी सरकारले आज दाङ, बाँके र बर्दिया जिल्लाका थारू समुदायलाई सार्वजनिक बिदा दिएको छ ।