बुटवल, असार १४ गते । सुस्ता बचाउ अभियानका अध्यक्ष आदम खांले प्रधानमन्त्रीको गैरजिम्मेवार अभिव्यक्तिले सुस्ताको भूमि अतिक्रमण गर्न भारतीय पक्ष उत्साहित भएको बताएका छन् ।

२०२९ सालदेखि सुस्तामा बस्दै आएका सुस्तावासीले अझै नागरिकता र लालपूर्जा नपाएको गुनासो गर्दै आएका छन् ।
सुस्तामा रहेका ३ सय १५ घरधुरी मध्ये १ सय १५ घरधुरीका सदस्यले नागरिकता नपाएको सुस्ता बचाउन अभियानले बताएको छ ।

प्रधानमन्त्री बालेन्द्र शाहाकै अभिव्यक्तिका कारण गत जेढ २९ गते बिहान भारतीय सीमा सुरक्षा बल एसएसबीले नेपाली भूमि सुस्तामा प्रवेश गरेर नेपालीलाई आतंकित पारेको गुनासो गरे । अधिकारबिहन सुस्ताका सर्वसाधारण जनताले मात्रै नेपाली भूमि जोगाउन नसक्ने बताउंदै अध्यक्ष खांले भने – अहिलेसम्मका न सरकारको साथ पाईयो, नत कुनै प्रधानमन्त्रीको । नेपालीको भूमि र आफ्ना जनताको पक्षमा बोल्न नसक्ने सरकार र प्रधानमन्त्रीहरु भरतसंग झुक्दा हामी सुस्तावासीले जिन्दगीभर दुख् पायौ ।

सुस्ता बचाउ अभियनाले शनिबार बुटवलमा आयोजना गरेको पत्रकार सम्मेलनमा अभियानका अध्यक्ष खांले सुस्तावासीलाई तत्काल नागरिकता र लालपूर्जा दिन सरकारसंग माग गरे ।
भारतीय पक्षबाट अतिक्रमणमा परेको पश्चिम नवलपरासीको सुस्ताको नेपाली भूमि जोगाउन सरकारले कुटनीतिक पहल गर्न नसकेको बताए ।

अहिलेसम्मका सरकारले भारतसंग कुटनीतिक पहल गर्न नसक्दा सुस्ताको भूमि जोगाउन नसकिएको गुनासो गर्दै अध्यक्ष खांले भने – अहिलेसम्मका सरकार र ति सरकारका प्रधानमन्त्रीहरु सुस्ताको विषयमा भारतसंग बोल्न नसकेर झुके ।
भारतले अतिक्रमण गरेको भूमि जोगाउन बर्षौदेखि हारगुहार गर्दापनि कुने सरकारले नसुनेको बताउंदै नेपाली भूमि जोगाउने दायित्व सरकारको पनि हामिले मात्रै नसक्ने बताउछन्, सुस्ता बचाउन अभियानका अभियान्ता लैला बेगम खां र रविन्द्र जयसवाल ।

सुस्ता बचाउन अभियानले आगमी साउन पहिलो सातादेखि काठमाण्डौको माइतिघर मण्डलामा बसने तयारी गरेको छ ।
सरकारी अभिलेख अनुसार सुस्ता क्षेत्रको करिब ४० हजार ९ सय ८० हेक्टर नेपाली भूमिमध्ये करिब ७ हजार हेक्टर क्षेत्रफल मात्र सुस्तावासी चोगचलन गर्दै आएका छन् ।

सरकारी अभिलेख अनुसार सुस्ताको नेपाली भूमि करिब ३३ हजार ९ सय ८० हेक्टर क्षेत्रफल भारतले जोतभोग गर्न नदिएर अतिक्रमण गरेको छ । यस मध्ये केही जमिन भारतले भारतीय किसानलाई जबरजस्त बितरण गरेको सुस्ता बचाउ युवा अभियानका केन्द्रिय संयोजक योगेन्द्र गौतमले बताए ।

सुस्तामा नेपाली २०२९ सालदेखि विधिवत रुपमा बसोवास गर्दै आएपनि अहिलेसम्म जग्गाको लालपूर्जा र नागरिकतासम्म नपाईएको सुस्ता संरक्षण सेनानी मुन्ना खांले बताए ।