स्वाभिमान युवा क्लबद्वारा सरसफाई
![](https://nayadishaonline.com/wp-content/uploads/2022/09/vanu-1.jpg)
![](https://nayadishaonline.com/wp-content/uploads/2023/07/357622966_794524715535073_6037331566326578600_n.jpg)
भानु जीएम
दाङ असोज ७ गते । स्वाभिमान युवा क्लबले दशैं पर्वको पूर्व सन्ध्यामा बजार क्षेत्र सरसफाइ गरेको छ । गढवा –१,कालाकाटेमा रहेको सो क्लबले आयोजना गरेको सरसफाइ कार्यक्रममा गढवा गापा वडा नम्बर १ को कार्यालय, जनता मा.वि.कालाकाटे,अस्थायी प्रहरी चौकी कालाकाटे,स्वास्थ्य एकाई कालाकाटे लगायतका संस्थाका प्रतिनिधिहरुकोसमेत सहभागिता रहेको थियो ।
केही वर्ष यता दशैंको अवसरमा फुटबल प्रतियोगिताको आयोजना गर्दै आएको उक्त क्लबले यही २०७९ असोज ८ गते देखि १४ गते सम्म “१३ औं स्वाभिमान खुल्ला कप २०७९“ को आयोजना गरेको छ । उक्त कपमा विजेता हुनेलाई रु.५०,०५०÷– र उप विजेतालाई रु.२५०२५÷– नगद पुरस्कारको व्यवस्था गरिएको कार्यक्रमका संयोजक वीर पुनले जानकारी गराएका छन् ।
![](https://nayadishaonline.com/wp-content/uploads/2023/07/308463823_1115005542726158_1075373799681304027_n.jpg)