भैरहवा, फागुन १७ गते । रुपन्देहीको सिद्धार्थ उधोग वाणिज्य संघमा केही दिन यतादेखि चुनावी सरगर्मी बढेको छ । उद्योगी व्यवसायी अहिले संघमा नयां नेतृत्व चयनका लागि चुनावी मैदानमा उत्रीएका छन् ।
एउटै क्षेत्रका उधोगी व्यवसायी आआफ्नो प्यानल बनाएर चुनावै लड्ने तयारी गरेका छन् ।
संघको ६४ औं वार्षिक साधारणसभा तथा अधिवेशनबाट नयां नेतृत्व चयनमा कुरो नमिलेपछि उद्योगी व्यवसायीहरु चुनाव लड्ने निष्र्कषमा पुगेका छन् ।
यही फागुन २० गते भैरहवामा संघको ६४ औं वार्षिक साधारणसभा तथा अधिवेशन हुंदै छ । उक्त साधारण सभा तथा अधिवेशनबाट आआफ्नो पक्षको प्यानल विजयी गराउने पक्षमा छन् उधोगी व्यवसयी ।
संघको नयां नेतृत्का लागि दुईवटा प्यानल खडा भएका छन् । संघको अध्यक्ष पदका लागि वर्तमान वरिष्ठ उपाध्यक्ष ठाकुरकुमार श्रेष्ठ र महासचिव विजय पाण्डेले उम्मेदवारी दर्ता गराएका छन् ।
संघको वरिष्ठ उपाध्यक्षमा नेत्रप्रसाद आचार्यले उम्मेदवारी दिएका छन् । वरिष्ठ उपाध्यक्ष पदका उम्मेदवार नेत्रप्रसाद आचार्यले सिद्धार्थ उद्योग वाणिज्य संघ रुपन्देहीलाई उद्योगी व्यवसायीको हितमा लैजाने र संघलाई थप व्यवस्थित बनाउन आफुले उम्मेदवारी दिएको बताएका छन् ।
उद्योगी व्यवसायीका हक, हित र समस्याको निराकरणका लागि आफुले उम्मेदवारी दिएकाले अमुल्यमत दिन सबै उद्योगी, व्यवसायीसंग मत मागेका छन् ।