बुटवल, असार ९ गते । बुटवलको शैक्षिक संस्था अक्सफोर्ड माध्यमिक विद्यालयमा अभिभावक तथा विद्यार्थीको दैनिक रुपमा आगमन बढ्न थालेको छ । एसइइ परीक्षा २०८९ को परीक्षाफल असार १५ सम्म सार्वजनिक गर्ने बोर्डले कार्यतालिका सार्वजनिक गरेपछि कक्षा ११ मा छोराछोरी अक्सफोर्ड माध्यमिक विदालयमा भर्ना गर्नका लागि अभिभावको दैनिक रुपमा आवतजावत बढेको छ । त्यस्तै विद्यार्थीको पनि आवतजावतले विद्यालयमा भीडभाड हुन थालेको विद्यालयले बताएको छ ।

पढ्नका लागि विद्यार्थीले अक्सफोर्ड माध्यमिक विद्यालय रोजेपछि आफू पनि बुझ्न आएको अभिभावक केशब गैरेले बताए । बुटवलमा रहेका अन्य विद्यालयले अनलाइन भर्ना फारम खुलाएको तर अक्सफोर्ड माध्यमिक विद्यालयले फारम नखुलाएको हुंदा कतैपछि भर्ना हुन नपाइने होकी भनेर आफुहरू कलेज भिजिट गर्न आएको विद्यार्थी सविता अर्यालले बताइन ।

विगका बर्षमा पनि बुटवलमा रहेका अन्य कलेजमा विद्यार्थी कम भर्ना हुंदा अक्सफोर्डले भने ५ दिनमै भर्ना रोक्नुपरेको थियोे । विगत केही बर्ष यता रिजल्ट र संस्कार सहितको शिक्षामा अब्बल बन्दै आएको अक्सफोर्ड एक ब्रान्ड बनिसकेको हुंदा अभिभावक तथा विद्यार्थीको आकर्षण बढेको विद्यालयका प्राचार्य दिनेश भुसालले बताए ।
अक्सफोर्डमा बिहानी तथा दिवा समयमा गरी कक्षा ११ र १२ को विज्ञान,ब्यबस्थापन तथा शिक्षाशास्त्र संकायमा करिब १७०० विद्यार्थी अध्ययनरत रहेको विद्यालयका प्राध्यापक सुमन भुसालले जानकारी गिराए ।

केही दिनदेखि विद्यार्थी तथा अभिभावकहरूको उपस्थिति विद्यालयमा बढेको हुदा एसइइ रिजल्ट आएको छोटो समयमै भर्नालाई बन्द गर्नुपर्ने अवस्था आउने बताउदै सङ्ख्यात्मक भन्दा गुणात्मकतालाई ध्यान दिएको छ ।

अहिले खासगरी बुटवलकै धेरै विद्यालयका विद्यार्थी तथा गुल्मी, पाल्पा, कपिलवस्तु,अर्घाखाँची र नवलपरासी जिल्लाका विद्यार्थीले कलेज भिजिट गरिरहेका छन् ।
भर्ना खुलेको २ दिनमै भर्ना बन्द गर्नु पर्ने अवस्था आउने आकलन गर्दै त्यसको तयारीमा आफूहरू जुटेको प्राध्यापक सुमन भुसालले नयां दिशालाइ बताए ।