बुटवल, भदौ २७ गते । खेलाडी उत्पान गर्ने उद्देश्यले बुटलल उपमहानगरपालिकाले स्कुलस्तरीय फुटबल प्रतियोगिताको तयारी गरेको छ ।
विद्यालयस्तरबाटै लगानी गर्ने गरी स्कुलस्तरीय फुटबल प्रतियोगिता आयोजना गर्ने तयारी गरेको बुटवल उपमहानगरपालिका नगर खेलकुंद विकास समितिका संयोजक बोनिन पियाले बताए।

संयोजक पियाले नगरलाई खेलाडी उत्पादन, खेल प्रतियोगिता र भौतिक संरचना तयारका लागि लागि चासो दिएको मंगलबार पत्रकारहरुसंग कुरा प्रतियोगिताबारे जानकारी गराए ।

खेलकुंद विकास समितिका संयोजक पियाका अनुसार नगरस्तरीय स्कुलहरुसंग मेयरकप फुटबल प्रतियोगिताका लागि २० लाख रुपैयां छुट्टाइएको छ ।
उत्कृष्ट राशीको प्रतियोगिता हुने र यसले खेलाडी उत्पादनमा सहयोग पुराउने उनको दावी छ ।

चालु आर्थिक वर्षमा बुटवल उपमहानगरपालिकाले खेलकुदका लागि २ करोड १७ लाख रुपैयाँ विनियोजन गरेको र स्कुलस्तरीय फुटबल प्रतियोगिता, तिलोत्तमा गोल्डकप फुटबल प्रतियोगिता, राष्ट्रपति रनिङ शिल्ड प्रतियोगिता, लनटेनिस, क्रिकेट, आर्चरी, ब्याडमिन्टन प्रतियोगितालाई विशेष प्राथमिकता दिएको बताए ।

यस्तै खेलकुद मैदान स्तरोन्नति, खेलकुद प्रशिक्षक, खेल शिक्षकलाई तालिम, खेलाडी र प्रशिक्षक सम्मान जस्ता कार्यक्रमका लागि बजेट विनियोजन भएको जानकारी गराए ।

खेलकुद विकास समितिका सदस्य सचिव तथा खेलकुंद शाखा प्रमुख कोपिला ज्ञवालीले खेलकुंद क्षेत्रलाई थप व्यवस्थित बनाउ खेल पत्रकार, खेलकुद क्लब तथा संस्थाहरु, विद्यालयहरुसंग छलफल र अन्तरक्रिया गरिने बताइन ।
खेल क्षेत्रको विकासका लागि बुटवल उपमहानगरपालिकाले महत्व दिएको नगर प्रमुख खेलराज पाण्डेयले नयांदिशालाइ बताएका छन् ।