निमुवाखर्कको रक्तदान, ३१ युनिट रगत संकलन
![](https://nayadishaonline.com/wp-content/uploads/2024/02/11-scaled.jpg)
![](https://nayadishaonline.com/wp-content/uploads/2023/07/357622966_794524715535073_6037331566326578600_n.jpg)
बुटवल, माघ २७ गते । निमुवाखर्क रुपन्देही सम्पर्क समाजले शनिबार बुटवलमा रक्तदान कार्यक्रम गरेको छ । समाजले आफ्नो ११ औं स्थापना दिवसको अवसरमा रक्तदान कार्यक्रम आयोजना गरेको हो ।
![](https://nayadishaonline.com/wp-content/uploads/2023/07/308463823_1115005542726158_1075373799681304027_n.jpg)
उक्त रक्तदान कार्यक्रममा ३१ युनिट रगत संकलन भएको छ । वार्षिक कार्यक्रम अनुसार ११ औं स्थापना दिवसको अवसरमा रक्तदान कार्यक्रम आयोजना गरिएको समाजका उपाध्यक्ष मोहनीलाल न्यौपानले बताए ।
समाजका अध्यक्ष सुमित्रा न्यौपानेको अध्यक्षता र पश्चिमाञ्चल यातायात व्यवसायी समिति बुटवलका अध्यक्ष यमप्रसाद पाण्डेयको प्रमुख आतिथ्यतामा रक्तदान कार्यक्रम भएको हो ।
कार्यक्रमका प्रमुख अतिथि यमप्रसाद पाण्डेले रक्तदान सबै भन्दा ठूलो दान भएको बताउंदै रगतको अभाव हुन नदिन समाजमा सचेतान जगाउन आवश्यक रहेको बताए ।
रक्त सञ्चार सेवा केन्द्र बुटवलको प्राविधिक सहयोगमा बुटवलमा भएको रक्तदान कार्यक्रमका संयोजक तथा समाजका संस्थापक अध्यक्ष एकादेव न्यौपानले रक्तदान कार्यक्रमलाई नियमित गर्ने प्रतिवद्वता जनाएका छन् ।
समाजले बेलाबेलामा सामाजिक गतिविधिमा आधारित सामाजिक कार्यक्रमहरु गर्दै आएको छ । समाजका सदस्य नविन न्यौपानेको सञ्चालनमा कार्यक्रम भएको थियो ।
![](https://nayadishaonline.com/wp-content/uploads/2023/07/357989126_242148201936365_5896978333846174401_n.jpg)