बुटवल, असोज १ गते । शिक्षा व्यवहारिक र व्यवसायिक हुनुपर्ने सरोकारवालाहरुले बताएका छन् । शिक्षा व्यवहारिक र व्यवसायिक नहुंदासम्म सभ्य समाज हुन नसक्ने बताए । बुटवलको दीप बोर्डिङ हाई स्कुलमा अध्ययनरत कक्षा १२ का विद्यार्थीले कक्षा ११ का विद्यार्थीलाई स्वागतका लागि आयोजना गरिएको कार्यक्रममा बोल्ने वक्ताले विद्यार्थीलाई संस्कारयुक्त शिक्षा पढाउनु पर्नेमा जोड दिए ।

सो कार्यक्रममा बोल्दै पाल्पा तिनाउ गाउंपालिकाका अध्यक्ष प्रेम श्रेष्ठले विद्यार्थीलाई बिदेश पलायन हुनबाट रोक्नका लागि रोजगार दिन सक्ने खालको व्यवसायिक शिक्षा दिनुपर्ने बताए । देशमा शिक्षा राम्रो छैन र रोजगार पाइन्न भन्ने भाष्य तयार भएकाले हरेक स्कुलहरुले रोजगार सिर्जना गर्न सक्ने खालको शिक्षा दिनुपर्नेमा जोड दिए ।

दीप बोर्डिङ हाईस्कुल सञ्चालक समितिका अध्यक्ष राजेन्द्र ध्वजुले आफ्नो स्कुलले सबै क्षेत्रसंग प्रतिष्पर्दा गर्न सक्ने खालका विद्यार्थी उत्पादन गरेको बताए ।
उनले जीपीए फोर ल्याउने विद्यार्थीलाई स्कुलले रु ५ लाख पुरस्कार दिने घोषणा गर्दै त्यस भन्दा कम नम्बर ल्याउनेलाई क्रमस २ लाख र १ लाख पुरस्कार दिनेसमेत प्रतिवद्दतम जाहेर गरे ।

प्राचार्य टिकाराम न्यौपानेले विद्यार्थीको रुची अनुसारको विद्यार्थीलाई शिक्षा दिनुपर्ने र त्यस्तो विद्यार्थीले देशलाई फाइदा पुराउने बताए । विद्यार्थीलाई सही मार्गमा लाग्न आग्रह गर्दै अनुसासित भएर आफ्नो, घरपरिवार र देशको हितमा काम गर्ने गरी उच्च शिक्षा अध्ययन गर्न प्राचार्य न्यापनेले विद्यार्थीलाई आग्रह गरेका छन् ।

कार्यक्रममा बुटवल उपमहानगरपालिका शिक्षा शाखाका अधिकृत यादव विष्ट, सिद्वार्थ मेमोरियल स्कुलका प्राचार्य भोजराज पौडेल, अभिभावक महासंघका लोकनाथ ज्ञवाली, कक्षा ११ र १२ का संयोजक कमल नेपाल, विद्यार्थी अस्मिता पाण्डेय, स्वच्छा क्षेत्री लगायतले बोलेका थिए ।

दीप स्टुडेण्ट क्लवका अध्यक्ष केवल रानाको अध्यक्षता र शिक्षक पुरुषोत्तम पाण्डेयको सञ्चालनमा कार्यक्रम भएको थियो । उक्त स्वागत कार्यक्रममा विद्यार्थीले आआफ्ना कला प्स्तुत गरेका थिए ।

दीप बोर्डिङ हाईस्कुलको विभिन्न तहबाट प्रथम, द्वितिय र त्रितिय हुने विद्यार्थीलाई सम्मान तथा पुरस्कृत गरिएको थियो । त्यस्तै दीप बोर्डिङमा अध्ययन गरेर शिक्षाका विभिन्न द्यिामा उत्कृट हुन सफल र फुल स्र्कलरसीप पाउने विद्यार्थीलाई पनि सम्मान गरिएको छ ।