बुटवल, २१ असोज–रुपन्देही उद्योग संघको अध्यक्षमा माधव पौडेल निर्बिरोध निर्वाचित हुनु भएको छ । संघको २२ औं अधिवशेन अन्तरगत विहीवार तय भएको उम्मेद वारी दर्ताका क्रममा अध्यक्षमा पौडेलको मात्र उम्मेदवारी दर्ता भएपछि उहाँ आगामी कार्यकालका लागि निर्विरोध हुने निश्चित भएको हो ।
निर्वाचन कार्यक्रम अनुसार निर्धारित समयमा संघको महासचिव र सचिव खुल्लामा बाहेक अन्य सबै पदहरुमा एकल उम्मेदवारी दर्ता दर्ता भएको छ । दर्ता भएका उम्मेदवारी उपर दावी विरोध तथा फिर्ता दिने समय भोली शुक्रवारसम्म तोकिएको हुदाँ संघको सबै पदमा निर्विरोध हुने अनुमान गरिएको छ ।

यसैगरि बरिष्ठ उपाध्यक्ष पदमा दिलिप सापकोटा, प्रथम उपाध्यक्ष पदमा कृष्ण प्रसाद पराजुली र द्धिप्तीय उपाध्यक्ष पदमा जिबकान्त काफ्ले र कोषाध्यक्ष पदमा हिरामणी भटराईको मात्रै एकल उम्मेदवारी परेको छ भने महासचिव पदमा हरि बहादुर खत्री र माया खनालको उम्मेदवारी परेको छ र सचिव(खुल्ला) पदमा बसन्त ढकाल र यमलाल भट्टराईको उम्मेदवारी दर्ता गरेका छन् ।

यसैगरी महिला सचिव पदमा मन्जु भुसाल र सहकोषाध्यक्ष पदमा सुरेन्द्र ज्ञवालीको मात्र उम्मेदवारी परेको छ । आजिबन सदस्य तर्फ माधव नेपाल, संस्थागत सदस्यतर्फ अशोक कुंवर, महिला सदस्यतर्फ सारदा भटराई र मिना थापा तथा बुटवल औद्योगिक क्षेत्रबाट कमल ज्ञवालीको उम्मेदवारी परेको छ ।
संघको ८ जना खुल्ला सदस्यका लागि सहमति अनुसार प्रेम आले, लाल प्रसाद बस्याल, राजु घिमिरे, बल बहादुर गोदार, चन्द्रकान्त खनाल, गोबिन्द भुसाल, लाल बहादुर थापा र नेत्र रुचालको उम्मेदवारी परेको छ । यता बुटवल उपमहानगर पालिकाबाट लालहरी पाण्डे र जमुना पोखरेल तथा तिलोत्तमा नगरपालिकाबाट बिशाल बेल्वासे र शुद्धोधन गाउपालिकाबाट रमेश खनालले उम्मेदवारी दर्ता गरेका छन् ।
संघमा नेकपा एमाले, कांग्रेस र माओवादी केन्द्रले पार्टीगत रुपमा पद वाडफाड गरेका हुन् । सहमति बनाउने सर्तमा तिन दलले संघका पूर्व अध्यक्षहरुको एक कार्यदल बनाएर पद भागबण्डा गरेका थिए । जस अनुसार एमालेलाई अध्यक्ष, वरिष्ठ उपाध्यक्ष, प्रथम उपाध्यक्ष, महासचिव, कोषाध्यक्षसहित सदस्यहरु, नेपाली कांग्रेसलाई द्वितिय उपाध्यक्ष र महिला सचिवसहित ४ सदस्य र माओपादी केन्द्रलाई सहकोषाध्यक्षसहित २ सदस्य पाउने गरि सहमति गरिएको थियो । कार्यदलमा एजाज आलम, बोनिन पिया र गणेश प्रसाद अधिकारी रहेका थिए ।