बुटवल, जेठ २४ गते । गैरे प्रतिष्ठानले बुटवलमा रोयल इन्फिल्ड स्क्राम मोटरसाइकल बजारमा ल्याएको छ । दश वर्ष अखिदेखि मोटरसाइकल विक्री गर्दै आएको गैरे प्रतिष्ठाले रोयल इन्फिल्ड स्क्रामका नयां मोडलका मोटरसाईकल विक्री शुरु गरेको छ ।

बुधबार एक कार्यक्रमकावीच नयां प्रविधि जडान गरिएको मोटरसाईकल विक्रका लागि बुटवलको कालिकानगरमा नयां स्वरुम सञ्चालन गरिएको छ । १० करोडको लगानीमा रोयल इन्फिल्ड हिमालयनमा आधारित मोटरसाईकल विक्री शुरु गरिएको गैरे प्रतिष्ठानका अध्यक्ष पे्रमराज गैरेले बताए ।

विक्री शुरु गरिएको पहिलो दिन नै ४० वटा मोटरसाईकल बुकिङ भएको र २० वटा मोटरसाईकल डेलिभरी गरिएको प्रतिष्ठानका अध्यक्ष गैरले बताए ।
अरु कम्पनीका मोटरसाईकल भन्दा भरपर्दो र मुल्य पनि कम रहेकाले मानिसहरु आर्कषित भएको गैरे प्रतिष्ठानले बताएको छ ।रोयल इन्फिल्डको नयां स्कायाम्बलरको ग्राउण्ड क्लियरेन्स २ सय एमएम छ । ३ सय ५० सिसी रहेको रोयल इन्फिल्ड मोटरसाईकलको अहिलको ४ लाख ९९ हजार बजार मुल्य रहेको गैरे प्रतिष्ठानले बताएको छ ।

नयां मोटरसाइकल विक्रीका लागि स्थापना गरिएको शो रुम उद्घाटन कार्यक्रममा पश्चिमाञ्चल पेट्रोलयम डिलर एशोसिएसनका अध्यक्ष हिमाल गैरे र बुटवल उद्योग वाणिज्य संघका उद्योग उपाध्यक्ष टंकप्रसाद गैरेले नयां उत्पादनलाई बजारमा ल्याउंदा बुटवलको बजार थप चलायमान हुन सक्ने बताए ।
धुर्व सापकोटाले उक्त कार्यक्र सञ्चालन गरेका थिए ।

   जानकारी
रोयल इन्फिल्ड हिमालयन स्क्राम ४११ सीसी
रोयल इन्फिल्ड स्क्राइन ४११ रोयल इन्फिल्ड हिमालयनमा आधारित छ । तर हिमालयको तुलनामा यसमा निकै नै परिवर्तन गरिएको छ । सो बाइकमा स्लिक हेडल्याम्प कभर, सानो ट्याङकी एक्स्टेन्सन, ब्यास प्लेट, सिंगल पसि सिट र सिंगल पिस पिलियन ग्याब हान्डल छन् । स्कमको फ्रन्टमा ११ इन्च टायर र रियरमा १७ इन्च टायर छन् ।
यसको सिटको उचाइ पनि हिमालयन भन्दा ५ एमएम कम छ । रोयल इन्फिल्डको नयां स्कायाम्बलरको ग्राउण्ड क्लियरेन्स २ सय एमएम छ । रोयल इन्फिल्डको स्क्राम ४११७ रङमा उपलब्ध छ । जसमा गे्रफाइड थिम ३ रङमा उपलब्ध छ ।

स्क्राम ४११ मा रोयल इन्फिल्ड मेटियर ३५० मा जस्तै इन्स्ट्रयुमेण्ट कन्सोल एक सेमी– डिजिटल युनिट जस्तै छ । मुख्य इन्स्ट्रयुमेण्ट पोडमा फ्युल गेज, टाइम, ट्रिपमिटर, ओडोमिटर इत्यादिका लागि डिजिटल रिड आउटको साथ एनालग स्पिडोमिटर छ ।

बे्रकिङ सिस्टमको लागि फ्रण्टमा ट्विन पिस्टन क्यालिपसहित ३ सय एमएम डिस्क र रियर सिंगल पिस्टन क्यालिरसहित २४० एमएम डिस्क छ ।
सो बाइक मानकको रुपमा ड्युअल च्यानल एबीएसको साथ आउंछ । हाफ डुप्लेक्स स्प्लिट क्याडल फे्रममा आधारित, यो ४१ एमएम टेलिस्कोपिक फ्रण्ट फोर्क १९० एमएम ह्विल ट्राभल र रियरको लिंकेज भएको मोनोसक १८० एमएम ह्विल ट्राभल मा सस्पेण्ड गरिएको छ ।

रोयल एनफिल्ड स्क्राम ४११ मा पावरको लागि हिमालयन जस्तै ४११ सीसी सिंगल सिलिण्डर इन्जिन दिएको छ । जसले २४।३ बीएचपी पावर र ३२ एनएमको टर्क जेनेरेट गर्छ ।
कम्पनीले आफ्नो थ्रोटललाई पेपरियर परफर्मेन्सको लागि अलिकती ट्विक गरिएको तर ५ स्पिड गियरबक्स भने कायम राखिएको छ ।
रोयल इन्फिल्ड क्लासिक ३५० सिसीका निम्न विशेषताहरु छन् ।

रोयल इन्फिल्ड क्लासिक ३५० सिसीको मुल्य रु ४ लाख ९९ हजार रहेको छ । यो बाइक वीएस ६ रहेको र यसको क्षमता ३४९ सिसी साथै एफआई इन्जिन रहेको छ । जसले वीएचपी पावर तथा २७ एनएम टर्क जेनेरेट गर्दछ ।