बुटवल, साउन ४ । पेशा व्यवसाय सञ्चालन गर्दै आएका रुपन्देहीका रेष्टुरेण्ट व्यवसायी संगठित भएका छन् । पर्यटनसंग सम्बन्धित व्यवसायी रुपन्देहीका रेष्टुरेण्ट व्यवसायी संगठित भएर रेष्टुरेण्ट एण्ड बार ब्यवसायी संघ रुपन्देहीको तदर्थ समिती गठन गरेका छन् । सोमबार बुटवलमा रुपन्देहीका करिव ३८ ब्यवसायिको सहभागितामा सम्पन्न भेलाबाट तदर्थ समिति गठन गरिएको हो ।

रेष्टुरेन्ट ब्यब्सायिको हकहित र व्यवसायिक एकताका लागि भाईचारा सम्बन्ध स्थापित गर्ने उद्वेश्यले तदर्थ समिति गठन गरिएको तदर्थ समितिका सचिव प्रदीप जीसीले बताए । रुपन्देहीका युवा ब्यवसायी प्रशान्त कोइरालाको अध्यक्षतामा भेला तथा बैठक सम्पन्न भएको थियो ।

सोही भेला तथा बैठकबाट सर्वसम्बत रुपमा प्रशान्त कोइरालाको अध्यक्षतामा रेष्टुरेन्ट एण्ड बार ब्यवसायी संघ रुपन्देहीे तदर्थ समिती गठन गरिएको छ । १७ सदस्यीय रहेको तदर्थ समितिको बरिष्ठ उपाध्यक्षमा कृष्ण रिमाल, उपाध्यक्षमा सागर पौडेल,सचिवमा प्रदिप जीसी, सहसचिवमा उमेश सापकोटा, कोषाध्यक्षमा कमल खनाल रहेका छन् ।

त्यस्तै सदस्यहरुमा अमृतकुमार थापा, निशा श्रेष्ठ, लक्ष्मी रिजाल, बिरेन प्रधान, यम बहादुर थापा, बिक्रम गुरुङ, यमलाल पाण्डे, रामचन्द्र पौडेल, अमृत गुरुङ,अजय रेग्मी रहनुभएको सचिव प्रदिप जीसीले जानकारी गराएका छन् । रेष्टुरेन्ट एण्ड बार ब्यवसायी संघ रुपन्देहीेका नवनिर्वाचित अध्यक्ष प्रशान्त कोइरालाले रुपन्देहीमा रेष्टुरेन्ट एण्ड बार ब्यवसायलाई मर्यादित र व्यवस्थित बनाउने प्रतिवद्वता जनाएका छन् ।

मोफसलको राजधानी नामले चिनिएको रुपन्देही र बुटवल रेष्टुरेण्ट एबम् बारको हबको रुपमा बिकास भैरहेको बताए । व्यवसायिक एकताका लागि अब एक आपसमा सहकार्य र एकताका साथ रेष्टुरेण्ट ब्यवसायी संघले छुट्टै कार्ययोजना बनाएर अघी बढ्ने अध्यक्ष कोइरालाको भनाइ छ । तदर्थ समितीका सचिव प्रदिप जीसीले पछिल्लो समय कोभिडबाट आंक्रान्त ब्यवसायिका लागि कोभिड खोप उपलब्ध गराउन सरकारसंग बारको प्रमुखकार्य रहेको बताए ।

जोखिम मोलेर पर्यटन व्यवसायको क्षेत्रमा काम गर्ने व्यवसायी र कामदारलाई राज्यले खोपका लागि प्राथमिकता नदिएकाले अब एकतावद्व भएर अधिकारको पक्षमा उभिनुको विकल्प नभएको सचिव जीसीको भनाइ छ ।

कोभिडका कारण घरभडादेखि बैंकको व्याजसमेत चलाउन नसकेका व्यवसायी संकटमा परेको अवस्थामा राज्यबाट कुनै सहयोग नभएकोप्रति रेष्टुरेण्ट एण्ड बार ब्यवसायी संघमा आवद्व व्यवसायीले गुनासो गरेका छन् ।

उनीहरुखे रात्रीकालिन व्यवसाय सञ्चालन गर्न पाउनु पर्ने माग गरेका छन् । रात्रीकालिन व्यवसाय सञ्चालनमा आफुहरु तयार भएपनि प्रहरी प्रशासनको अबरोधका कारण व्यवसाय सञ्चालन हुन नसक्दा व्यवसायी मारमा परेको गुनासो गरेका छन् ।