लालटिनको रक्तदानमा ७० युनिट रगत संकलन
![](https://nayadishaonline.com/wp-content/uploads/2024/02/20240203_100241-scaled.jpg)
![](https://nayadishaonline.com/wp-content/uploads/2023/07/357622966_794524715535073_6037331566326578600_n.jpg)
बुटवल, माघ २० गते । बुटवलको लालटिन सहकारीले आयोजना गरेको रक्तदान कार्यक्रममा ७० युनिट रगत संकलन भएको छ । बुटवल उपमहानगरपालिका वडा नम्बर ११ देवीनगरमा सञ्चालित लालटिन बहुउद्वेश्य सहकारीले शनिबार रक्तदान कार्यक्रम आयोजना गरेको थियो ।
![](https://nayadishaonline.com/wp-content/uploads/2023/07/308463823_1115005542726158_1075373799681304027_n.jpg)
२३ औं नियमित खुल्ला रक्तदान कार्यक्रमबाट ७० युनिट रगत संकलन गरिएको लालटिन सहकारीका अध्यक्ष गंगालाल सापकोटाले जानकारी गराए । सहकारीले स्थापना कालदेखि नै नियमित रुपमा रक्तदान कार्यक्रम गर्दै आएको छ ।
रगतको अभाव हुन नदिने उद्वेश्यले नियमिति रुपमा खुल्ला रक्तदान कार्यक्रम गरिदै आएको कार्यक्रम संयोजक पुष्पा न्यौपाने शर्माले बताइन ।
![](https://nayadishaonline.com/wp-content/uploads/2023/07/357989126_242148201936365_5896978333846174401_n.jpg)
रगतको अभाव हुन नदिनका लागि लालटिन सहकारीले अब युवाहरुलाई लक्षित गरी रक्तदान कार्यक्रम आयोजना गर्ने सहकारी सञ्चालक विनोद परियारले बताए ।
रक्त सञ्चार सेवा केन्द्र बुटवलको प्राविधिक सहयोगमा रक्तदान कार्यक्रम गरिएको हो ।